الماتى قالاسىنداعى ءال-فارابي داڭعىلىندا بولعان جول-كولىك اپاتى بويىنشا باستى سوت پروتسەسى باستالدى, دەپ حابارلايدى Egemen.kz.
سوتتا ايىپتالۋشى الەكساندر پاك وزىنە تاعىلعان كىنانى تولىق مويىندايتىنىن مالىمدەدى.
ول قازاقستان رەسپۋبليكاسىنىڭ قىلمىستىق كودەكسىنىڭ 345-1-بابى 4-بولىگى بويىنشا ايىپتالىپ وتىر. بۇل باپ ماس كۇيىندە كولىك جۇرگىزىپ, ابايسىزدا ەكى نەمەسە ودان دا كوپ ادامنىڭ ولىمىنە سەبەپ بولۋ دەرەگىن قاراستىرادى.
قايعىلى جول اپاتى 21 ناۋرىزعا قاراعان ءتۇنى الماتىداعى ءال-فارابي داڭعىلىندا بولدى. اپات سالدارىنان Mercedes جۇرگىزۋشىسى جانە كولىكتەگى 20 جانە 22 جاستاعى ەكى قىز قازا تاپتى. ايىپتالۋشى ماس كۇيدە كولىك تىزگىندەگەن.
ەسكە سالا كەتەيىك, بۇعان دەيىنگى سوت وتىرىسىندا كىنالى قازا تاپقانداردىڭ وتباسىنان كەشىرىم سۇراعان بولاتىن.