الماتى قالاسىندا پوليتسيانىڭ بۇرىنعى تەرگەۋشىسىنە قاتىستى قىلمىستىق ءىس اياقتالىپ, سوت ۇكىمى شىقتى. قالالىق پروكۋراتۋرانىڭ مالىمەتىنشە, ول قىلمىستاردى تىركەمەي, ادەيى جاسىرعانى ءۇشىن جاۋاپقا تارتىلعان, دەپ حابارلايدى Egemen.kz.
ارنايى پروكۋرورلار الماتى قالاسىنىڭ ناۋرىزباي اۋدانى پوليتسيا باسقارماسىنىڭ بۇرىنعى تەرگەۋشىسىنە قاتىستى سوتقا دەيىنگى تەرگەپ-تەكسەرۋدى اياقتاعان. تەرگەۋ بارىسىندا كۇدىكتىنىڭ قولىندا 14 قىلمىستىڭ جاسالعانى تۋرالى ناقتى دەرەكتەر بولا تۇرا, ولاردى تىركەمەي, ەسەپتەن قاساقانا جاسىرىپ كەلگەنى انىقتالدى. وسى ارقىلى ول قىلمىستىق قۇقىق بۇزۋشىلىقتاردى ەسەپكە الۋدىڭ بەلگىلەنگەن ءتارتىبىن بۇزعان.
قىلمىسقا قاتىستى ايعاقتاردى ۇرلاعان پوليتسەي سوتتالدى
جۇرگىزىلگەن كەشەندى تەرگەۋ ارەكەتتەرى ايىپتالۋشىنىڭ قۇقىققا قارسى ارەكەتتەرىن تولىق راستادى. كۇدىكتىنىڭ ءىس-ارەكەتى قىلمىستىق كودەكستىڭ 433-بابى 2-بولىگىمەن سارالانعان.
سوت ۇكىمىمەن بۇرىنعى تەرگەۋشى كىنالى دەپ تانىلىپ, وعان مەملەكەتتىك قىزمەتتە 3 جىل مەرزىمگە جۇمىس ىستەۋگە تىيىم سالۋ جازاسى قوسىمشا جازا رەتىندە بەلگىلەنىپ, 2 جىلعا باس بوستاندىعىن شەكتەۋ جازاسى تاعايىندالدى.
سونىمەن قاتار, سوت شەشىمىمەن ول «پوليتسيا لەيتەنانتى» ارناۋلى اتاعىنان ايىرىلدى.
قاڭتار وقيعاسى كەزىندە ادام ازاپتاعان پوليتسەي سوتتالدى