دەپۋتات قىتاي كولىكتەرى ءۇشىن قازاقستانعا اقىلى كىرۋ جۇيەسىن ەنگىزۋدى ۇسىندى

ونىڭ ايتۋىنشا, قازىرگى تاڭدا قازاقستاندىق جۇرگىزۋشىلەر قىتاي اۋماعىنا كىرگەن كەزدە ۋاقىتشا اكەلۋ ءراسىمى, جۇرگىزۋشى كۋالىگىن راسىمدەۋ, كولىكتى تىركەۋ, مەملەكەتتىك ءنومىر الۋ, ساقتاندىرۋ, قۇجاتتاردى اۋدارۋ, نوتارياتتىق قىزمەتتەر جانە باقىلاۋ سەكىلدى ونعا جۋىق اقىلى راسىمنەن وتەدى. مۇنىڭ جالپى قۇنى شامامەن 560 مىڭ تەڭگەنى (8-9 مىڭ يۋان) قۇرايدى.

ال قىتاي كولىكتەرى قازاقستانعا نەگىزىنەن تەگىن جانە بارىنشا جەڭىلدەتىلگەن تارتىپپەن كىرىپ جاتىر.

گيبريد كولىكتەرگە سالىنعان قوسىمشا سالىق: دەپۋتات شەنەۋنىكتەردى جاۋاپقا تارتۋدى سۇرادى

دەپۋتاتتىڭ مالىمەتىنشە, 2025 جىل مەن 2026 جىلدىڭ العاشقى ءتورت ايىندا قازاقستانعا 8 مىڭنان استام قىتايلىق اۆتوكولىك كىرگەن. ەگەر ولارعا دا وسىنداي تالاپتار قولدانىلعاندا, بيۋدجەت پەن قىزمەت كورسەتۋ ينفراقۇرىلىمى قوسىمشا شامامەن 5 ميلليارد تەڭگە تابىس تابار ەدى. بۇل قاراجاتتى شەكارا جانە كەدەن قىزمەتكەرلەرىنىڭ شىعىندارىن وتەۋگە باعىتتاۋعا بولادى.

«بۇل ءتۋريزمدى شەكتەۋ تۋرالى ماسەلە ەمەس. اڭگىمە قۇقىقتىق تەڭدىك, قاۋىپسىزدىك جانە مەملەكەتتىك شىعىنداردىڭ ورنىن تولتىرۋ تۋرالى», – دەدى بولاتبەك ناجمەتدين ۇلى.

ول ۇكىمەتتەن شەتەلدىك كولىكتەردى كىرگىزۋگە جۇمسالاتىن مەملەكەتتىك شىعىنداردى تالداۋدى, ۋاقىتشا تىركەۋ مەن مەملەكەتتىك ءنومىر بەرۋ ماسەلەسىن قاراستىرۋدى, سونداي-اق قىتاي تاراپىنىڭ تالاپتارىنا ساي كەلەتىن تەڭگەرىمدى تەتىك ازىرلەۋدى سۇرادى.