اقش قازاقستانعا رەسەي مۇنايىن قىتايعا ترانزيتپەن تاسىمالداۋعا مۇمكىندىك بەرەتىن ليتسەنزيانى 2027 جىلعى 19 ناۋرىزعا دەيىن ۇزارتتى, دەپ حابارلايدى Egemen.kz.
Bloomberg مالىمەتىنشە, وسىنىڭ ناتيجەسىندە كۇن سايىن شامامەن 200 مىڭ باررەل مۇناي جەتكىزۋگە جول اشىلادى. جاھاندىق نارىقتاعى تۇراقسىزدىق جاعدايىندا باعىتتىڭ تۇراقتىلىعىن ساقتاۋ مۇمكىن بولادى.
مۇنداي قادام پارسى شىعاناعى ەلدەرىنەن جەتكىزىلىمگە قاتىستى شەكتەۋلەرگە, ورمۇز بۇعازى ماڭىنداعى قاۋىپتەرگە جانە تاياۋ شىعىستاعى شيەلەنىستىڭ جالعاسۋىنا بايلانىستى قابىلدانىپ وتىر.
مۇناي باعاسى باررەلىنە 115 دوللارعا جەتتى: رەكوردتىق ءوسىم تىركەلدى
ساراپشىلاردىڭ پىكىرىنشە, بۇل شەشىم رەسەيدىڭ ەكسپورتتىق اعىندارىن قولدايدى, قازاقستاننىڭ ترانزيتتىك ءرولىن كۇشەيتەدى جانە بالاما جەتكىزۋ باعىتتارىنا تۇسەتىن قىسىمدى ازايتادى.
سونىمەن قاتار قازاقستان مەن رەسەي تاراپتارى ترانزيت كولەمىن جىلىنا 12,5 ملن تونناعا دەيىن ارتتىرۋ مۇمكىندىگىن تالقىلاپ جاتىر.