Tasnim اگەنتتىگىنىڭ حابارلاۋىنشا, يران مەن اقش ءوزارا شابۋىلدار جاساعان. الدىمەن تاراپتار تانكەرلەرگە سوققى بەرىپ, كەيىن يراننىڭ يسلام رەۆوليۋتسياسى ساقشىلار كورپۋسى (يرسك) اقش-تىڭ كۋۆەيت پەن باحرەين اۋماعىنداعى اسكەري بازالارىن نىساناعا العانى حابارلاندى. ءوز كەزەگىندە اقش كەشم ارالى ماڭىنداعى نىسانعا سوققى جاساعان, دەپ حابارلايدى Egemen.kz
اگەنتتىك مالىمەتىنشە, تۇندە اقش يراننىڭ ءبىر تانكەرىنە شابۋىل جاساپ, كەمە زاقىمدانعان. بۇعان جاۋاپ رەتىندە يران «Panaya» كەمەسىنە سوققى بەرگەن.
يران مەن اقش كەلىسسوزدەرىنىڭ توقتاۋى مۇناي باعاسىن كۇرت ءوسىردى
كەشم ارالىنا جاسالعان شابۋىلعا قاتىستى Tasnim اقش ارالدىڭ وڭتۇستىگىندەگى تەلەكوممۋنيكاتسيالىق مۇنارانى نىساناعا العانىن ناقتىلادى.
كۋۆەيت سىرتقى ىستەر مينيسترلىگى بىرنەشە نىسانعا, سونىڭ ىشىندە اۋەجايعا شابۋىل جاسالعانىن حابارلادى. الدىن الا مالىمەت بويىنشا, ءبىر ادام قازا تاۋىپ, ونداعان ادام جارالانعان.
يران مەن اقش اراسىنداعى ديالوگ ءۇزىلدى: تاياۋ شىعىستا شيەلەنىس كۇشەيدى
الەۋمەتتىك جەلىلەردە كۋۆەيت اۋەجايىندا تۇسىرىلگەنى ايتىلعان بەينەجازبالاردى جاريالاپ جاتىر. الايدا ولاردىڭ تۇپنۇسقالىعى ازىرگە رەسمي تۇردە راستالعان جوق.