قازاقستاندىقتارعا ارزان ءموبيلدى بايلانىس ۇسىناتىن جاڭا ينتەرنەت-الاياقتىق سحەماسى تۋرالى ەسكەرتۋ جاسالدى, دەپ حابارلايدى Egemen.kz
الاياقتار «وتباسى تاريفىنە» قوسىلۋدى ۇسىنىپ, جالعان ءتيىمدى ۇسىنىستار ارقىلى ادامداردى الداۋعا تىرىسادى. بۇل تۋرالى Polisia.kz حابارلادى.
مۇنداي ۇسىنىستار كوبىنە الەۋمەتتىك جەلىلەر مەن مەسسەندجەرلەردە پايدا بولۋدا.
«زەينەتاقىڭىزدى كوبەيتەمىز»: جاڭا الاياقتىق ءتاسىل پايدا بولدى
مامانداردىڭ ايتۋىنشا, ادام ء«تيىمدى تاريفكە» كەلىسىپ, جارنامانى ورنالاستىرعاندارمەن بايلانىسقا شىققان كەزدە, وعان ارنايى سىلتەمە جىبەرىلەدى. سول سىلتەمەلەر ارقىلى زياندى باعدارلامالار ورناتىلىپ, نەمەسە ازاماتتاردىڭ جەكە دەرەكتەرى ۇرلانۋى مۇمكىن.
تانىمال تۋريستىك كومپانيا الاياقتىق جاسادى دەگەن كۇدىككە ءىلىندى
سىلتەمەنى اشقاننان كەيىن تەلەفوننىڭ جۇمىسى بۇزىلىپ, ىركىلىستەر پايدا بولۋى ىقتيمال.
پوليتسيا كەلەسى ساقتىق شارالارىن ۇسىنادى:
- بەيتانىس ادامدار جىبەرگەن سىلتەمەلەرگە وتپەۋ;
- كۇماندى ۇسىنىستارعا سەنبەۋ;
- جەكە جانە بانك دەرەكتەرىن ەشكىمگە بەرمەۋ;
- قوسىمشالاردى تەك رەسمي دۇكەندەردەن جۇكتەۋ;
- تەلەفونعا انتيۆيرۋس ورناتۋ.