پاۆلودار وبلىسىنىڭ اقسۋ قالاسىندا ايەل سوتقا جالعان جۇكتىلىك انىقتاماسىن ۇسىنعان, دەپ حابارلايدى Egemen.kz
Noks.kz, تاراتقان اقپاراتتا: پروكۋراتۋرا مالىمەتىنشە, جۇرگىزۋشى كۋالىگى جوق ايەل جول-كولىك وقيعاسىنا سەبەپكەر بولىپ, كولىكتى الكوگولدىك ماساڭ كۇيدە باسقارعان. ءىس سوتتا قارالعان كەزدە ول جۇكتىلىگى تۋرالى انىقتاما ۇسىنىپ, سونىڭ نەگىزىندە اكىمشىلىك قاماۋ جازاسى ايىپپۇلمەن الماستىرىلعان.
الايدا پروكۋراتۋرا جۇرگىزگەن تەكسەرىس بارىسىندا مەديتسينالىق انىقتامانىڭ جالعان ەكەنى بەلگىلى بولدى.
وسى فاكتى بويىنشا قىلمىستىق كودەكستىڭ جالعان قۇجاتتاردى پايدالانۋ بابىمەن سوتقا دەيىنگى تەرگەۋ باستالدى.
سونىمەن قاتار بۇل ىسكە قاتىستى پوليتسيا قىزمەتكەرلەرىنىڭ ارەكەتى دە تەكسەرىلىپ جاتىر. قۇقىق قورعاۋ ورگاندارى ازىرگە ولاردىڭ ىقتيمال قاتىسى جونىندە ناقتى اقپارات بەرگەن جوق.
اقسۋ پروكۋراتۋراسى سوتتىڭ باستاپقى شەشىمىنە نارازىلىق ءبىلدىرىپ, جازانى قاتاڭداتۋدى تالاپ ەتتى. ناتيجەسىندە وبلىستىق سوتتىڭ اپەللياتسيالىق القاسى ايىپپۇلدى 20 تاۋلىك اكىمشىلىك قاماۋعا اۋىستىرعان.