سارىاعاش اۋدانىنىڭ تۇرعىنى ويىن بيزنەسى سالاسىندا زاڭسىز قىزمەت ۇيىمداستىرعانى ءۇشىن سوتتالدى. ول بىرنەشە ءۇي-جايدى جالعا الىپ, وندا ويىن اۆتوماتتارىن ورنالاستىرىپ, ينتەرنەت ارقىلى تىيىم سالىنعان قۇمار ويىندارعا قولجەتىمدىلىك بەرگەن. زاڭسىز ارەكەتتەن تۇسكەن جالپى تابىس 20,9 ملن تەڭگەدەن اسقان, دەپ حابارلايدى Egemen.kz.
سوت ونى 4 جىلعا باس بوستاندىعىنان ايىرۋ جازاسىنا كەستى. الايدا باستاپقى سوت شەشىمىندە زاڭسىز الىنعان تابىسقا قاتىستى ماسەلە تولىق قارالماعان.
زاڭسىز ويىن بيزنەسىن ۇيىمداستىرعان ەكس-شەنەۋنىك تۇركيادان ەكستراديتسيالاندى
وسىعان بايلانىستى جوعارعى سوتتىڭ تۇسىندىرمەلەرىنە سايكەس ءىس قايتا قارالدى. ەرەجەگە ساي, ەكونوميكالىق قىزمەت سالاسىنداعى قىلمىستىق قۇقىق بۇزۋشىلىق ناتيجەسىندە الىنعان تابىس كىنالى ادامنان تولىق كولەمدە الىنىپ, مەملەكەت پايداسىنا ءوندىرىلۋى ءتيىس. بۇل تالاپ ەشقانداي شىعىنداردى شەگەرمەي, الىنعان بارلىق قاراجاتقا قولدانىلادى.
شىعىسقا كازينو قاجەت پە؟
باس پروكۋراتۋرانىڭ كاسساتسيالىق نارازىلىعى نەگىزىندە سوت اكتىلەرى وزگەرتىلدى. ناتيجەسىندە سوتتالعان ادامنان ويىن بيزنەسىن ۇيىمداستىرۋ ارقىلى تاپقان 20 909 365 تەڭگە مەملەكەت كىرىسىنە ءوندىرىلدى.