قىزىلوردا وبلىسىندا ينۆەستورلاردىڭ قۇقىقتارىن بۇزۋ دەرەكتەرى انىقتالىپ, بىرقاتار لاۋازىمدى تۇلعالار جاۋاپكەرشىلىككە تارتىلدى. بۇل زاڭسىزدىقتار ينۆەستورلاردىڭ قۇقىقتارىن قورعاۋ كوميتەتىمەن بىرلەسكەن تەكسەرۋ بارىسىندا بەلگىلى بولعان, دەپ حابارلايدى Egemen.kz.
پروكۋراتۋرانىڭ مالىمەتىنشە, ارال اۋدانىندا مەملەكەتتىك كىرىستەر باسقارماسى پروكۋروردىڭ مىندەتتى كەلىسىمىنسىز ينۆەستوردى اكىمشىلىك جاۋاپتىلىققا تارتقان. سول سياقتى جاڭاقورعان اۋدانىندا دا ينۆەستورعا قاتىستى بەس اكىمشىلىك ءىس بويىنشا ايىپپۇل زاڭسىز سالىنعانى انىقتالدى.پروكۋراتۋرانىڭ نارازىلىعىنان كەيىن بارلىق زاڭسىز شەشىمدەردىڭ كۇشى جويىلدى.
سونىمەن قاتار زاڭ بۇزعان لاۋازىمدى تۇلعالارعا قاتىستى اكىمشىلىك ىستەر قوزعالىپ, ولار كاسىپكەرلىك قىزمەتكە زاڭسىز ارالاسقانى ءۇشىن جاۋاپقا تارتىلدى.
تۇركىستاندا ايىپپۇلعا اشۋلانعان ەر ادامدار بەينەكامەرالاردى سىندىرعان
قولدانىستاعى زاڭناماعا سايكەس, مۇنداي قۇقىقبۇزۋشىلىقتار ءۇشىن 100 ايلىق ەسەپتىك كورسەتكىش كولەمىندە ايىپپۇل قاراستىرىلعان.
پروكۋراتۋرا وكىلدەرى اكىمشىلىك كەدەرگىلەرگە تاپ بولعان نەمەسە قۇقىقتارى بۇزىلعان ينۆەستورلاردى ارنايى بايلانىس نومىرلەرىنە حابارلاسۋعا شاقىردى.