تۇركىستان وبلىسى شاردارا اۋدانىندا 70 جاستاعى دەنساۋلىعى ناشار اكەسىن جۇيەلى تۇردە ۇرىپ كەلگەن الماس ساداقباەۆتىڭ جازاسى قاتاڭداتىلدى. تۇركىستان سوتى پروكۋراتۋرانىڭ اپەللياتسيالىق ءوتىنىشحاتىن قاراپ, جازا مەرزىمىن 5 جىلدان 6 جىلعا ۇزارتتى, دەپ جازادى Egemen.kz.
«سوتتالعان ازاماتتىڭ جازا مەرزىمى ۇلعايتىلدى: 5 جىلدىڭ ورنىنا 6 جىل باس بوستاندىعىنان ايىرۋ جازاسى تاعايىندالدى. ال ايىپتاۋ باپتارى وزگەرىسسىز قالدى («ازاپتاۋ» جانە «دەنساۋلىققا قاساقانا ورتاشا اۋىرلىقتاعى زيان كەلتىرۋ»), الايدا جازا قاتاڭداتىلدى», دەلىنگەن وبلىستىق سوت تاراتقان حابارلامادا.
ەسكە سالايىق, بۇعان دەيىن الماس ساداقباەۆ سوت بارىسىندا ايىبىن مويىنداعان. ال مەملەكەتتىك ايىپتاۋشى سوتتالۋشىنى 6 جىل 2 اي باس بوستاندىعىنان ايىرۋ جازاسىن تاعايىنداۋدى سۇراعان.
ءىستى جۇرگىزگەن سۋديا ايىپتالۋشىنىڭ بۇرىن سوتتى بولماعانىن, كامەلەتكە تولماعان بالالارىنىڭ بارىن جانە ارەكەتىن مويىنداپ, وكىنىش بىلدىرگەنىن ەسكەرىپ, 5 جىل مەرزىمگە باس بوستاندىعىنان ايىرۋ جازاسىن تاعايىنداعان ەدى.