قىزىلوردا قالاسىنداعى ساياحات شاعىناۋدانىندا كانال بويىندا قۇرعاق ءشوپ ورتەنىپ, جاقىن ماڭداعى تۇرعىن ۇيلەر مەن عيماراتتارعا قاۋىپ ءتوندى. بۇل تۋرالى توتەنشە جاعدايلار مينيسترلىگى حابارلادى, دەپ جازادى Egemen.kz.
ۆەدومستۆو مالىمەتىنشە, ءورت سوندىرۋشىلەر وقيعا ورنىنا كەلگەن كەزدە قۇرعاق ءشوپ, اعاشتار مەن قالىڭ وسىمدىكتەر جانىپ, ءورتتىڭ اكىمشىلىك جانە جەكە عيماراتتارعا تارالۋ قاۋپى بولعان.
ءورتتى ءسوندىرۋ ءۇشىن كانال بويىنداعى وشاقتارعا ارنايى قايىق تارتىلىپ, ناتيجەسىندە ءتىلسىز جاۋ جەدەل تۇردە اۋىزدىقتالدى.
قۇزىرلى ورگاندار جۇرگىزگەن تەكسەرۋ بارىسىندا ورتكە كىنالى ادام انىقتالىپ, وعان قاتىستى اكىمشىلىك قۇقىق بۇزۋشىلىق تۋرالى كودەكستىڭ 336-بابى بويىنشا حاتتاما تولتىرىلدى.
الماتىدا بازار ماڭىندا ءورت شىقتى
توتەنشە جاعدايلار مينيسترلىگى تۇرعىنداردى ءورت قاۋىپسىزدىگى ەرەجەلەرىن ساقتاۋعا, قۇرعاق ءشوپتى ورتەمەۋگە جانە اشىق وت كوزدەرىن قاراۋسىز قالدىرماۋعا شاقىردى.