ۇلى جەڭىستىڭ 81 جىلدىعى مەن وتان قورعاۋشىلار كۇنى اياسىندا استانا قالاسىنىڭ مەكتەپتەرىندە وقۋشىلارعا ارنالعان «ەرلىك ساباعى» اتتى اشىق ساباقتار ۇيىمداستىرىلدى. سونىڭ ءبىرى نۇرا اۋدانى №111 جالپى ورتا مەكتەپتە ءوتتى, دەپ جازادى Egemen.kz.
ءىس-شارا جاس ۇرپاقتىڭ بويىندا پاتريوتتىق سەزىمدى قالىپتاستىرۋ, ەل تاريحىنا, ۇلى وتان سوعىسى ارداگەرلەرىنىڭ جانقيار ەرلىگىنە جانە وتان قورعاۋشىلاردىڭ باتىرلىعىنا قۇرمەتپەن قاراۋعا تاربيەلەۋ, سونداي-اق ۇرپاقتار ساباقتاستىعىن نىعايتۋدى كوزدەيدى.
تاعىلىمدى شاراعا نۇرا اۋدانى ارداگەرلەر كەڭەسىنىڭ مۇشەلەرى, مەكتەپ اكىمشىلىگى مەن وقۋشىلار قاتىستى. «ەرلىك ساباعى» اياسىندا قاتىسۋشىلار ارداگەرلەرمەن جانە قارۋلى كۇشتەر وكىلدەرىمەن كەزدەسىپ, ولاردىڭ ءومىر جولى, اسكەري قىزمەتتەگى تاجىريبەسى جانە ەل الدىنداعى ادال قىزمەتى تۋرالى مازمۇندى اڭگىمەلەر تىڭدادى. سونىمەن قاتار, ۇلى وتان سوعىسى جىلدارىنداعى قازاق باتىرلارىنىڭ ەرلىگى مەن ەل قورعاۋداعى قاھارماندىق ىستەرى تۋرالى تاعىلىمدى دەرەكتەر ايتىلدى.
ەلوردادا جەڭىس كۇنىنە ارنالعان پويىزدار جولعا شىقتى
ءىس-شارا بارىسىندا وتانعا قىزمەت ەتۋدىڭ ماڭىزدىلىعى كەڭىنەن ناسيحاتتالىپ, تاقىرىپتىق كەزدەسۋلەر مەن اشىق پىكىر الماسۋ الاڭدارى ۇيىمداستىرىلدى.
قاتىسۋشىلار ءۇشىن ارنايى كورسەتىلىمدەر مەن تاربيەلىك ءمانى زور باعدارلامالار ۇسىنىلىپ, سوعىس جىلدارىنداعى تاريحي وقيعالار مەن باتىرلاردىڭ ەرلىگى كەڭىنەن دارىپتەلدى.
كەزدەسۋ بارىسىندا جاستاردىڭ ازاماتتىق جاۋاپكەرشىلىگىن ارتتىرۋعا, ۇلتتىق قۇندىلىقتاردى ناسيحاتتاۋعا جانە تاريحي جادىنى ساقتاۋعا ەرەكشە كوڭىل ءبولىندى.
ارداگەرلەر وزدەرىنىڭ ومىرلىك تاجىريبەلەرىمەن ءبولىسىپ, ەل تىنىشتىعى مەن قاۋىپسىزدىگىن قورعاۋدىڭ ماڭىزى تۋرالى اسەرلى ويلارىن جەتكىزدى.
ماسكەۋدە جەڭىستىڭ 81 جىلدىعىنا ارنالعان اسكەري پاراد باستالدى
«ەرلىك ساباعى» – جاس ۇرپاقتىڭ بويىندا پاتريوتتىق رۋحتى نىعايتىپ, ۇلى وتان سوعىسى باتىرلارىنىڭ ەرلىگىن ۇلىقتاۋعا جانە اسكەري قىزمەتتىڭ قوعامداعى ءرولى مەن ماڭىزىن تۇسىندىرۋگە باعىتتالعان ماڭىزدى تاربيەلىك الاڭعا اينالدى.