پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا پرەزيدەنت اتىنان قانات ايتباەۆقا «پاراسات» وردەنىن تابىستادى, دەپ حابارلايدى Egemen.kz.
مينيستر قانات ايتباەۆتىڭ وتاندىق مادەنيەت پەن ونەردى دامىتۋداعى ەلەۋلى ەڭبەگىن, سونداي-اق وتاندىق مۋزىكا ونەرىن قولداۋ جانە كەڭىنەن ناسيحاتتاۋ جولىنداعى ۇلەسىن ەرەكشە اتاپ ءوتتى. ايتا كەتەيىك, «پاراسات» وردەنى عىلىم, مادەنيەت, ادەبيەت پەن ونەر سالالارىن دامىتۋعا سىڭىرگەن ايرىقشا ەڭبەگى, سونداي-اق ەلدىڭ رۋحاني جانە زياتكەرلىك الەۋەتىن نىعايتۋعا قوسقان ۇلەسى ءۇشىن بەرىلەدى.
ايدا بالاەۆا نۇرجاس سادىرباەۆتى حالىقارالىق جوباداعى جەڭىسىمەن قۇتتىقتادى
«ديماشالي» شىعارماشىلىق ورتالىعىنىڭ جەتەكشىسى قانات ايتباەۆقا بۇل ماراپات مادەنيەت جانە ونەر قىزمەتكەرلەرى كۇنىنە وراي بەرىلىپ وتىر. مينيسترلىك مالىمەتىنشە, كومپوزيتور-مۋزىكانت بۇعان دەيىن جەكە جاعدايىنا بايلانىستى بۇعان دەيىن سالتاناتتى ماراپاتتاۋ راسىمىنە قاتىسا الماعان.
ەسكە سالا كەتەيىك, بۇعان دەيىن ديماش قۇدايبەرگەننىڭ «كوكجيەكتەن اسقان ءۇن» جوباسى 2 ميللياردتان استام قارالىم جيناعان ەدى.