قازاقستاندا سالىنىپ جاتقان تۇرعىن ۇيلەردەن پاتەر ساتىپ الۋعا مۇمكىندىك بەرەتىن «وردا ايماق پليۋس» اتتى جاڭا وڭىرلىك يپوتەكالىق باعدارلاما ىسكە قوسىلدى. باعدارلامانىڭ وپەراتورى – قازاقستان تۇرعىن ءۇي كومپانياسى, دەپ جازادى Egemen.kz.
جاڭا يپوتەكالىق ءونىم شەڭبەرىندە ازاماتتار باستاپقى نارىقتاعى تۇرعىن ءۇيدى جىلدىق 10,9%-دان باستالاتىن مولشەرلەمەمەن ساتىپ الا الادى.
باعدارلامانىڭ شارتتارىنا سايكەس, سىياقى مولشەرلەمەسى 10,9%-دان 14,9%-عا دەيىن, ال جىلدىق ءتيىمدى سىياقى مولشەرلەمەسى (جتسم) 11,7%-دان 16,2%-عا دەيىن بەلگىلەنگەن.
باستاپقى جارنا كولەمى تۇرعىن ءۇي قۇنىنىڭ 20%-ىنان باستالادى. نەسيەنىڭ ەڭ جوعارى سوماسى 75 ملن تەڭگەنى, ال وتەۋ مەرزىمى 20 جىلعا دەيىنگى كەزەڭدى قۇرايدى.
باعدارلامانىڭ تاعى ءبىر ەرەكشەلىگى – قارىز الۋشىعا قوسىمشا كەپىلزات ۇسىنۋدىڭ قاجەتى جوق. كەپىل رەتىندە يپوتەكا ارقىلى ساتىپ الىناتىن تۇرعىن ءۇيدىڭ ءوزى راسىمدەلەدى. سونداي-اق قارىزدى راسىمدەۋ كەزىندە بىرلەسكەن قارىز الۋشىلاردى تارتۋعا مۇمكىندىك قاراستىرىلعان.
شىلدەدەن باستاپ يپوتەكا الۋ قيىندايدى: ساراپشىلار نە دەيدى؟
«وردا ايماق پليۋس» باعدارلاماسى قازاقستان تۇرعىن ءۇي كومپانياسىنىڭ كەپىلدىگى بەرىلگەن وڭىرلىك تۇرعىن ءۇي جوبالارىنا ارنالعان.
قازىرگى ۋاقىتتا باعدارلاما ارقىلى وسكەمەن قالاسىنداعى «پرەستيج» تۇرعىن ءۇي كەشەنىنەن پاتەر تاڭداۋعا بولادى. الداعى ۋاقىتتا باسقا دا تۇرعىن ءۇي نىساندارىن باعدارلاماعا قوسۋ جوسپارلانىپ وتىر.
«بانكتەر يپوتەكالىق باعدارلامانى قىسقارتۋى مۇمكىن». ساراپشى تاعى قانداي تاۋەكەلدەردى ايتتى؟