ەكىباستۇز قالاسىنداعى «سامعاۋ» بالالار شىعارماشىلىق ورتالىعى مەملەكەتتىك قولداۋ مەن بيزنەستىڭ الەۋمەتتىك جاۋاپكەرشىلىگى نەگىزىندە جۇزەگە اسقان ماڭىزدى جوبالاردىڭ ءبىرى رەتىندە بالالار يگىلىگىنە جۇمىس ىستەپ كەلەدى, دەپ حابارلايدى Egemen.kz.
پرەزيدەنت قاسىم-جومارت توقاەۆتىڭ ەكىباستۇز قالاسىنا ساپارى اياسىندا تۇرعىندار تاراپىنان بالالارعا ارنالعان قوسىمشا ءبىلىم بەرۋ ورتالىعىن اشۋ تۋرالى ءوتىنىش كوتەرىلگەن بولاتىن.
مەملەكەت باسشىسىنىڭ تاپسىرماسىمەن بوي كوتەرگەن «سامعاۋ» بۇگىندە پاۆلودار وبلىسىنداعى ەڭ ءىرى قوسىمشا ءبىلىم بەرۋ ورتالىقتارىنىڭ قاتارىنا كىرەدى. قۇنى 5,3 ملرد تەڭگەنى قۇرايتىن جوبا ERG توبى مەن KazMinerals Bozshakol كومپانيالارىنىڭ الەۋمەتتىك قولداۋىمەن ىسكە اسقان.
جازعى دەمالىستا بالالارعا ارنالعان 11 مىڭنان اسا ورتالىق جۇمىس ىستەيدى
ورتالىقتا 5 000-عا جۋىق بالا تەگىن ءبىلىم الادى. مۇندا روبوتوتەحنيكا, باعدارلامالاۋ, ينجەنەرلىك باعىت, ونەر جانە سپورت سەكىلدى ءتۇرلى ۇيىرمەلەر جۇمىس ىستەيدى.
سونىمەن قاتار ەرەكشە ءبىلىم بەرۋ قاجەتتىلىكتەرى بار 100-دەن استام بالا ينكليۋزيۆتى ورتادا ءبىلىم الىپ, ءوز قاتارلاستارىمەن بىرگە شىعارماشىلىق جانە ءبىلىم بەرۋ باعدارلامالارىنا قاتىسادى.
جوبا وڭىردەگى ادام كاپيتالىن دامىتۋعا جانە بالالاردىڭ جان-جاقتى دامۋىنا باعىتتالعان ماڭىزدى باستاما رەتىندە باعالانىپ وتىر.
ەسكە سالا كەتەيىك, بۇگىندە ەلىمىزدە 1,8 ملن-عا جۋىق بالا تۇراقتى تۇردە دەنە شىنىقتىرۋ جانە سپورتپەن اينالىسادى.