قازاقستاندا بالالار مەن جاس وسپىرىمدەردى تۇراقتى تۇردە دەنە شىنىقتىرۋمەن جانە سپورتپەن شۇعىلدانۋعا تارتۋعا ەرەكشە نازار اۋدارىلىپ كەلەدى. وسى باعىتتاعى جۇمىستار اياسىندا بيىلعى جازعى كەزەڭگە ارنالعان بۇقارالىق سپورتتىق ءىس-شارالاردىڭ رەسپۋبليكالىق تىزبەسى بەكىتىلدى. وعان ەلىمىزدىڭ تۇكپىر-تۇكپىرىنەن 30 مىڭعا جۋىق بالا مەن ءجاسوسپىرىم قاتىسادى دەپ جوسپارلانۋدا, دەپ حابارلايدى Egemen.kz
جازعى ماۋسىمداعى ەڭ ءىرى بالالار جارىستارىنىڭ قاتارىندا اۋىل جاسوسپىرىمدەرىنىڭ V جازعى ويىندارى, كىشى جاسوسپىرىمدەر اراسىنداعى رەسپۋبليكالىق CHEMPIONDAR LIGALARY جارىسى مەن ۇلدار مەن قىزدار اراسىندا 5-6 جانە 7-8سىنىپ وقۋشىلارى اراسىندا فۋتبولدان «بىلعارى دوپ» رەسپۋبليكالىق ءتۋرنيرى, سونداي-اق باستاۋىش سىنىپ وقۋشىلارىنا ارنالعان «بالداۋرەن» فۋتبول جارىسى (1–4 سىنىپتار) وتپەك. ال كۇزگى ماۋسىمنىڭ باستالىسىمەن وسى باستامالاردىڭ جالعاسى رەتىندە 2013–2014 جىلى تۋعان وقۋشىلار اراسىندا شاعىن فۋتبولدان «التىن كۇز» بالالار فۋتبول ليگاسى وتەدى.
اتالعان جارىستار بالالاردىڭ دەنە بەلسەندىلىگىن ارتتىرىپ قانا قويماي, ولاردىڭ سالاۋاتتى ءومىر سالتىن ۇستانۋىنا, كوماندالىق رۋحتى قالىپتاستىرۋىنا جانە سپورتتىق شەبەرلىگىن شىڭداۋىنا مۇمكىندىك بەرەدى. سوڭعى جىلدارى ەلىمىزدە دەنە شىنىقتىرۋمەن جانە سپورتپەن جۇيەلى تۇردە اينالىساتىن ازاماتتار سانى تۇراقتى ءوسىپ كەلەدى. ماسەلەن, 2023–2025 جىلدار ارالىعىندا بۇل كورسەتكىش 40,4 پايىزدان (8,0 ملن ادام) 44,5 پايىزعا دەيىن (8,5 ملن ادام) ۇلعايدى.
ەلىمىزدە بالالار سپورتىنا قانداي قولداۋلار قاراستىرىلعان؟
سونىڭ ىشىندە 4 پەن 17 جاس ارالىعىنداعى دەنە شىنىقتىرۋمەن جانە سپورتپەن تۇراقتى اينالىساتىن بالالار مەن جاسوسپىرىمدەردىڭ سانى 1,8 ميلليون ادامعا جەتىپ, اتالعان جاس ساناتىنداعى بالالاردىڭ جالپى سانىنىڭ 34,6 پايىزىن قۇرادى.
بالالار سپورتىن دامىتۋعا باعىتتالعان مۇنداي باستامالار وسكەلەڭ ۇرپاقتىڭ دەنساۋلىعىن نىعايتۋعا, بۇقارالىق سپورتتى دامىتۋعا جانە بولاشاق چەمپيونداردى تاربيەلەۋگە ىقپال ەتەدى.