تۇركىستان وبلىسىنىڭ شارۋالارى بيىلعى باقشا داقىلدارىنىڭ العاشقى ءونىمىن الا باستادى. بۇگىنگى كۇنگە دەيىن 600 توننا قاربىز جانە 500 توننا قاۋىن جينالدى, دەپ حابارلايدى Egemen.kz
تۇركىستان وبلىسى باۋ-باقشا جاعىنان ەلدەگى الدىڭعى قاتارلى ايماقتاردىڭ ءبىرى. بيىل قاربىز ەگىس القابى 20 مىڭ گەكتار, ال قاۋىن القابى 42 مىڭ گەكتار بولدى. اۋا رايىنىڭ قولايلى بولۋىنان, زاماناۋي اگروتەحنولوگيالاردى قولدانۋ جانە اۋىل شارۋاشىلىعى تاۋار وندىرۋشىلەرىنىڭ كاسىبيلىگىنىڭ ارقاسىندا ەرتە ءارى ساپالى ءونىم الىندى.
باقشا داقىلدارى ەگىلگەن القاپتاردىڭ كوپ بولىگى جەتىساي اۋدانىندا. بيىل مۇندا 80 مىڭ گەكتار سۋارمالى جەرگە ەگىن ەگىلدى, ونىڭ 17,1 مىڭ گەكتارىن باقشا داقىلدارى الىپ جاتىر.
جاڭا ءونىمنىڭ العاشقى لەگى قازاقستاننىڭ ءىرى قالالارىنا جونەلتىلدى. سونىمەن قاتار رەسەي فەدەراتسياسىنا ەكسپورتتاۋ باستالدى.