الماتىدا انا ءولىمىن ءتيىستى ورگاندارعا ۋاقتىلى حابار بەرمەگەن مەديتسينالىق ۇيىمعا اكىمشىلىك ايىپپۇل سالىندى. بۇل تۋرالى الماتى قالالىق مەديتسينالىق جانە فارماتسەۆتيكالىق باقىلاۋ كوميتەتى دەپارتامەنتىنىڭ باسشىسى دامير داۋلەتباەۆ مالىمدەدى, دەپ حابارلايدى Egemen.kz.
ونىڭ ايتۋىنشا, بوسانعان ايەل قايتىس بولعان جاعدايدا مەديتسينالىق ۇيىم 24 ساعات ىشىندە بۇل تۋرالى دەپارتامەنتكە, قالالىق دەنساۋلىق ساقتاۋ باسقارماسىنا, اكىمدىككە جانە دەنساۋلىق ساقتاۋ مينيسترلىگىنە حابارلاۋى ءتيىس.
«وكىنىشكە قاراي, بارلىق مەديتسينالىق ۇيىمدار بۇل تالاپتى ۋاقتىلى ورىنداي بەرمەيدى. جاقىندا انا ءولىمى تىركەلگەن جاعداي بولدى. وسى بۇيرىقتى ورىنداماعانى ءۇشىن مەديتسينالىق مەكەمەگە اكىمشىلىك ايىپپۇل سالۋعا ءماجبۇرمىز», دەدى دامير داۋلەتباەۆ.
قازاقستاندا سوڭعى بەس جىلدا انا ءولىمى 35%-عا تومەندەدى
بۇرىن مۇنداي جاعدايلاردا دەپارتامەنت پروكۋراتۋرا ارقىلى تەكسەرۋ تىركەپ, ءمايىتتى ساراپتاۋ قورىتىندىسىن كۇتەتىن. الايدا شاعىن جانە ورتا بيزنەس سۋبەكتىلەرىن تەكسەرۋگە نەبارى 10 جۇمىس كۇنى بەرىلىپ, بۇل ۋاقىت جەتكىلىكسىز بولاتىن. وتكەن جىلدان باستاپ دەنساۋلىق ساقتاۋ مينيسترلىگىنىڭ بۇيرىعىنا وزگەرىستەر ەنگىزىلىپ, «تەرگەۋ» ۇعىمى ەنگىزىلدى. ەندى مۇنداي تەكسەرۋگە 30 كۇن بولىنەدى, قاجەت بولعان جاعدايدا مەرزىم تاعى 30 كۇنگە ۇزارتىلۋى مۇمكىن.
دەپارتامەنت باسشىنىڭ ايتۋىنشا, جاعداي تىركەلگەن ساتتەن باستاپ تاۋەلسىز ساراپشىلار تارتىلىپ, تەكسەرۋ پروكۋراتۋرادا تىركەلەدى. بۇدان سوڭ قۇجاتتاردى زەرتتەۋ باستالادى.
الماتىداعى №1 پەرزەنتحانا اقىرى ءسۇرىلىپ تىندى
سونداي-اق ماماندار مەديتسينالىق قۇجاتتارعا قانداي دا ءبىر وزگەرىس جاسالعانىن انىقتايدى. بۇرىن مۇنداي قۇجاتتارعا قاتىستى ءتۇرلى كۇمان تۋىنداپ, جازبالار ءبىر-بىرىنە سايكەس كەلمەيتىن جاعدايلار كەزدەسكەن. قازىر وزگەرىستەردى بىرىڭعاي ەلەكتروندى قۇجات اينالىمى جۇيەسى ارقىلى باقىلاۋعا بولادى.
پوليتسيا ءتيىستى مەديتسينالىق كومەكتىڭ دۇرىس كورسەتىلمەۋى نەمەسە قىلمىستىق جاۋاپكەرشىلىككە اكەلۋى مۇمكىن وزگە دە زاڭبۇزۋشىلىق بەلگىلەرىنىڭ بار-جوعىن انىقتايدى.
نۇربولات امانبەك