عالىمجان قىرىقباي «قازاقستان بارىسى» چەمپيونى اتاندى

استانا كۇنىنە وراي وتكەن «قازاقستان بارىسى-2023» ءتۋرنيرىنىڭ اقتىق بەلدەسۋىندە ماڭعىستاۋ بارىسى نۇرداۋلەت جارىلعاپوۆ پەن «اسكەر بارىسى» عالىمجان قىرىقباي جولىققان.

اڭدىسۋمەن وتكەن نەگىزگى ۋاقىت تەڭ اياقتالىپ, بەلدەسۋ كەزەڭىندە عالىمجان قىرىقبايدىڭ باعى باسىم بولدى.

ال نۇرداۋلەت جارىلعاپوۆ ءتۋرنيردىڭ كۇمىس جۇلدەسىنە يە بولدى.

بۇعان دەيىن ءتۋرنيردىڭ قولا جۇلدەسى پاۆلودار وبلىسىنىڭ بارىسى مۇحتار دالەلحان ۇلىنىڭ قانجىعاسىندا كەتكەن ەدى.

ەسكە سالايىق, بيىل «قازاقستان بارىسى» وزگەشە ءوتىپ جاتىر.

جاڭا وبلىستاردىڭ اشىلۋىنا بايلانىستى جارىسقا قاتىسۋشىلاردىڭ سانى ارتقان. ناقتىراق ايتساق, 41 پالۋان باق سىناپ جاتىر.

ونىڭ ىشىندە 33 پالۋان وبلىستاردان, 2 سپورتشى «اسكەر بارىسىنان» جانە 3 قالادان تاعى 6 سپورتشى قاتىسۋعا مۇمكىندىك العان.

ۇيىمداستىرۋشىلاردىڭ مالىمەتىنشە, ءتۋرنيردىڭ جالپى جۇلدە قورى – 40 ملن تەڭگە, ونىڭ ىشىندە جارىس جەڭىمپازىنا 25 ملن تەڭگە سىياقى بەرىلەدى.