«وسى شارالاردى ەلىمىزدە نەگە قابىلداپ, جۇزەگە اسىرماسقا؟! عىلىم جانە جوعارى ءبىلىم مينيسترلىگىنىڭ مالىمەتىنشە, ءبىلىم بەرۋ گرانتتارىنىڭ سانى جىل سايىن ارتىپ كەلەدى جانە گرانتتار ۇبت ناتيجەسى بويىنشا بەرىلەدى. وعان قوسا ءبىلىم گرانتىن بولگەندە ازاماتتاردىڭ الەۋمەتتىك وسال ساناتى ءۇشىن كۆوتا قاراستىرىلعان. كوپبالالى نەمەسە تولىق ەمەس وتباسىلاردىڭ بالالارى, ەرەكشە قاجەتتىگى بار بالالاردى تاربيەلەپ وتىرعان وتباسىنداعى ۇمىتكەرلەردىڭ گرانت الۋعا مۇمكىندىكتەرى جوعارى», دەدى گاۋحار تاناشەۆا.
ءماجىلىس دەپۋتاتىنىڭ ايتۋىنشا, 2022-2023 وقۋ جىلىنا بولىنگەن 73 061 مەملەكەتتىك گرانتتىڭ 15 029 يگەرىلمەي قالدى. يگەرىلگەن گرانتتار ىشىندە 2 865 گرانت كوپبالالى وتباسىنداعى بالالارعا, 1 253 گرانت تولىق ەمەس وتباسىنداعى بالالارعا بەرىلدى. مينيسترلىكتىڭ مالىمەتىنشە, پايدالانىلماعان گرانتتار ۇبت ناتيجەسىنىڭ تومەن كورسەتكىشىنە بايلانىستى.
«بۇل گرانتتاردى مينيسترلىك ۇبت-دان تومەن بالل الىپ قالعان, بىراق وقۋعا جانە جوعارى ءبىلىم الۋعا دەگەن ىنتاسى بار حالىقتىڭ الەۋمەتتىك وسال توپتارى اراسىندا ءبولىپ بەرۋ جولى نەگە قاراستىرىلماعان؟ كوپبالالى وتباسىنداعى ەڭ بولماعاندا ءبىر بالا جوعارى وقۋ ورنىنا ءتۇسىپ, جاقسى ءبىلىم الىپ, بولاشاقتا جوعارى جالاقى الاتىن جۇمىسقا ورنالاسىپ جاتسا, ارتىنان ەرگەن باۋىرلارىنا دا كومەكتەسىپ, اياقتارىنا نىق تۇرىپ, كوپبالالى وتباسىلاردىڭ «ماسىل» دەگەن اتاعى جويىلار ەدى عوي«, دەدى دەپۋتات.