ۇكىمەتتە پرەمەر-مينيستر ءاليحان سمايىلوۆتىڭ توراعالىعىمەن وتكەن كەڭەستە گاز-حيميا ونەركاسىبىن دامىتۋ ماسەلەلەرى قارالدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
اتاپ ايتقاندا, پوليەتيلەن ءوندىرىسى بويىنشا ينتەگراتسيالانعان گاز-حيميا كەشەنىن سالۋ جوباسى تالقىلاندى. بۇل ماسەلە بويىنشا سوڭعى ينۆەستيتسيالىق شەشىم 2024 جىلى قابىلدانۋعا ءتيىس.
«قازمۇنايگاز» ۇك» اق باسقارما توراعاسى ماعزۇم مىرزاعاليەۆتىڭ ايتۋىنشا, جوبانى تابىستى ىسكە اسىرۋ ءۇشىن «ۇلتتىق يندۋستريالىق مۇناي-حيميا تەحنوپاركى» اەا جۇمىس ىستەۋ مەرزىمىن ۇزارتۋ جانە جەتىسپەي تۇرعان سىرتقى ينفراقۇرىلىمدى سالۋ كەرەك.
تالقىلاۋ قورىتىندىسى بويىنشا پرەمەر-مينيستر ۋاكىلەتتى ورگاندارعا كوتەرىلگەن ماسەلەلەردى شەشۋ جولدارىن پىسىقتاۋدى تاپسىردى. سونىمەن قاتار ۇكىمەت باسشىسى قر زاڭناماسى اياسىندا شەتەلدىك ليتسەنزيالانعان تەحنولوگيالاردى پايدالاناتىن ءىرى مۇناي-گاز حيميا نىساندارىن جوبالاۋ جانە سالۋ كەزىندە حالىقارالىق ستاندارتتاردى قولدانۋ مۇمكىندىگىن قاراستىرۋ قاجەتتىگى تۋرالى ايتتى.