بۇگىن نازارباەۆ زياتكەرلىك مەكتەپتەرىنەن 1 651 تۇلەك قانات قاقتى. ولاردىڭ 285-ءى شەتەلدىك ۋنيۆەرسيتەتتەردە ءبىلىم الۋعا شاقىرتۋ العان, دەپ حابارلايدى Egemen.kz.
سونداي-اق 6 ۇزدىك زياتكەر QS رەيتينگى بويىنشا ەڭ ۇزدىك جوعارى وقۋ ورىندارى سانالاتىن ماسساچۋسەتس جانە كاليفورنيا تەحنولوگيالىق ينستيتۋتتارى, ايۆي ليگاسىنىڭ كولۋمبيا, براۋن, پەنسيلۆانيا ۋنيۆەرسيتتەرى مەن دارتمۋت كوللەدجىندە ءبىلىم الا الادى.
ەلىمىزدەگى 21 NIS پەن استاناداعى حالىقارالىق مەكتەپ بيىل سوڭعى قوڭىراۋ سالتاناتىن ەرەكشە اتاپ ءوتىپ جاتىر.
ايتا كەتسەك, بيىل «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنا 15 جىل تولىپ وتىر. بۇگىنگى ايتۋلى كۇن اياسىندا NIS باسقارما توراعاسى ءانۋار جانعوزين ۇلكەن ومىرگە قادام باسقالى تۇرعان شاكىرتتەرگە ساتتىلىك تىلەپ, جاستارعا قۇندى كەڭەس بەردى.
«بۇگىن ءبىزدىڭ تۇلەكتەر ءۇشىن ەرەكشە كۇن. بىرنەشە جىل بۇرىن زياتكەرلىك مەكتەپتەردىڭ تابالدىرىعىن اتتاعان بالالار ەسەيىپ, جاڭا ومىرگە قادام باسقالى تۇر. قىمباتتى تۇلەكتەر, سىزدەرگە ومىردەگى ۇلكەن جەڭىستەردى تىلەيمىن. ال وعان جەتۋ ءۇشىن, بىرىنشىدەن, كەز كەلگەن جاڭالىققا اشىق بولىڭىزدار. قوعام سوڭعى يننوۆاتسيالاردى يگەرگەن مامانداردى قاجەت ەتەدى. ەكىنشىدەن, ءوز كۇشتەرىڭىزگە ءاردايىم سەنىمدى بولىڭىزدار. جاس مەملەكەتىمىز وزدەرىڭىزدەي جاستارعا زور سەنىم ارتىپ وتىر. بۇگىنگى تاڭدا ەلىمىز بۇرىن-سوڭدى بولماعان مۇمكىندىكتەردى جاساپ, ناقتى ماقساتتارعا جەتۋگە جول اشىپ وتىر», دەدى انۋار جانعوزين.
تاعى ءبىر جاعىمدى جاڭالىق, بيىل 12-ءشى سىنىپتى بىتىرگەن 64 تۇلەك QS رەيتينگى بويىنشا الەمدەگى توپ-100 ۇزدىك ۋنيۆەرسيتەتتەر قاتارىنا ەنگەن University of Toronto, University of British Columbia, Johns Hopkins University, CityU, PolyU سەكىلدى جوعارى وقۋ ورىندارىندا ءبىلىمىن جالعاستىرا الادى.
سونداي-اق NIS تۇلەكتەرىنە وتاندىق جوعارى وقۋ ورىندارى قوزىباەۆ ۋنيۆەرسيتەتى مەن قبتۋ اريزونا ۋنيۆەرسيتەتىنىڭ قوسارلانعان ديپلومى اياسىندا ءبىلىم الۋعا مۇمكىندىك بەرىپ وتىر, KIMEP پەن اstana IT دا زياتكەر جاستاردى جوعارى ءبىلىم الۋعا شاقىرعان.