ءماجىلىس دەپۋتاتى ماقسات تولىقباي الماتى وبلىسىنا جۇمىس ساپارىمەن بارىپ, جەرگىلىكتى تۇرعىندارمەن كەزدەستى, دەپ حابارلايدى Egemen.kz.
ءماجىلىس دەپۋتاتىنىڭ ايتۋىنشا, كەيبىر ەلدى مەكەندەردە گازدىڭ باعاسى شەكتى باعادان اسىپ كەتكەن. اشىنىپ وتىرعان حالىق ەرەۋىلگە شىعامىز دەپ ەسكەرتۋ جاساعان.
ء«ماجىلىس دەپۋتاتتارىنا ماسەلەسىن جەتكىزىپ, حابارلاسقان 500-گە جۋىق تۇرعىنمەن كەزدەسۋ ءۇشىن 2023 جىلدىڭ 26 مامىرىندا الماتى وبلىسىنا بارىپ, ارىز-شاعىمدارىن تىڭدادىم. ماسەلەنىڭ ۋشىعىپ كەتكەنى سونشالىقتى, بۇل داۋ شەشىلمەسە, ەكى اپتادان كەيىن مىڭداعان ادام جولدى جاۋىپ, جاپپاي ەرەۋىلگە شىعاتىندارىن ەسكەرتىپ وتىر», دەدى ماقسات تولىقباي.
ءماجىلىس دەپۋتاتىنىڭ سوزىنشە, شالقار, قايرات, ەڭبەكشى, قۇمارال, ۇشتەرەك سياقتى ونداعان ەلدى مەكەندى, سونداي-اق اياجان, ايانات, اراي جانە دارحان ساياجايلارىن گازبەن قامتىپ وتىرعان كومپانيا باسشىلارى باعانى قولدان كوتەرىپ وتىر.
«بۇل كومپانيانىڭ ارتىندا سونشاما كىم تۇر؟ نە جەرگىلىكتى پروكۋراتۋرا نە جەرگىلىكتى اكىمدىك نە انتيمونوپوليا بۇيرىقتى ورىنداتۋعا شاماسى كەلمەيدى. ءتىپتى مىڭداعان حالىق شۋلاپ جاتىر. سولاردىڭ الدىنا شىعىپ, جاۋاپ بەرەتىن ءبىر دە ءبىر جاۋاپتى ادامدى تاپپاي كەلدىك. اقىرى ءوزىمىز بارىپ, مىنە, ماسەلەنى ءماجىلىس الاڭىندا كوتەرۋگە تۋرا كەلىپ وتىر», دەدى دەپۋتات.