مەملەكەت باسشىسى كوكتەمگى ەگىس ناۋقانىمەن تانىستى تانىسۋ ءۇشىن «دايىندىق اگرو» جشس-عا قاراستى ەگىستىك القابىن ارالاپ كوردى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
اتالعان شارۋاشىلىق ءداندى, مايلى داقىلدار وسىرۋمەن جانە مال شارۋاشىلىعىمەن اينالىسادى. يەلىگىندە 15,8 مىڭ گەكتار ەگىستىك القابى, 4,2 مىڭ گەكتار جايىلىمدىق جەرى بار. «دايىندىق اگرو» ديرەكتورى ءبىرجان شايمەردەنوۆ بيىل بيدايدىڭ اۋستريالىق «تريزو» سورتىن ەگىپ, گەكتارىنان 25 تسەنتنەر ءونىم الۋدى جوسپارلاپ وتىرعانىن ايتتى.
پرەزيدەنتكە كوكتەمگى ەگىس ناۋقانىنىڭ بارىسى جونىندە مالىمەت بەرىلدى. ءوڭىر باسشىسى ايداربەك ساپاروۆتىڭ ايتۋىنشا, ەگىستىك القاپتارىنا مينەرالدى تىڭايتقىش جەتكىزۋ, كوكتەمگى ەگىس جۇمىستارىنا تەحنيكا قاراستىرۋ, ديقانداردى جانار-جاعارمايمەن قامتاماسىز ەتۋ ءىسى جوسپارعا ساي ورىندالىپ جاتىر.
مەملەكەت باسشىسى ەڭبەك ونىمدىلىگىن ارتتىرىپ, اۋىل شارۋاشىلىعىنا جاڭا تەحنولوگيالار مەن ءوندىرىس تاسىلدەرىن ەنگىزۋ ماڭىزدى ەكەنىنە نازار اۋداردى. سونداي-اق پرەزيدەنت وبلىس باسشىلىعىنا وسى باعىتتاعى جۇمىستى ودان ءارى جالعاستىرۋدى جانە اۋىل شارۋاشىلىعى ونىمدەرىن وڭدەۋ ءىسىن دامىتۋدى تاپسىردى.
پرەزيدەنت ديقانداردىڭ ەكسپورتتىق سۇرانىسى جوعارى داقىلداردى وسىرۋگە بەيىمدەلگەنىن اتاپ ءوتىپ, شارۋالاردىڭ ەڭبەگىنە وڭ باعا بەردى.
مەملەكەت باسشىسى ديقانداردىڭ كوكتەمگى ەگىس ناۋقانىن ءساتتى اتقارۋىنا تىلەكتەستىك ءبىلدىردى.