قارقارالى اۋدانىنىڭ اكىمى «ارسەلورميتتال تەمىرتاۋ» اق باس ديرەكتورىنا الەۋمەتتىك سالاعا كورسەتكەنقولداۋى مەن اۋداننىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن العىس ءبىلدىردى.
قارقارالى اۋدانىندا «ارسەلورميتتال تەمىرتاۋدىڭ» بىرنەشە كاسىپورنى ورنالاسقان. ولار – «شاحتەر» دەمالىس ءۇيى, «رومانتيك» بالالار ساۋىقتىرۋ لاگەرى جانە «وركەن-كەنتوبە» كەنىشى.
«ارسەلورميتتال تەمىرتاۋ» اق ءۇشىن – كومپانيا قۇرىلىمدارى ورنالاسقان وڭىرلەردەگى الەۋمەتتىك جاۋاپكەرشىلىك باسىم باعىتتاردىڭ ءبىرى. قارقارالى اۋدانى ءۇشىن جۇيە قۇراۋشى كاسىپورىن بولىپ سانالاتىن «ارسەلورميتتال تەمىرتاۋ» اق قىزمەتىنىڭ ارقاسىندا جەرگىلىكتى تۇرعىندار تۇراقتى جۇمىسپەن جانە تابىسپەن قامتاماسىز ەتىلىپ وتىر.
مىسالى, جۇمىسىن توقتاتۋعا تۋرا كەلگەن «شاحتەر» دەمالىس ءۇيىنىڭ قىزمەتىن ماۋسىم ايىنىڭ باسىندا قالپىنا كەلتىرۋ جوسپارلانىپ وتىر. قازىر ونىڭ بارلىق قىزمەتكەرى جۇمىس ورىندارىنا ورالدى. مۇنى اۋدان اكىمى ەرلان قۇسايىن «ارسەلورميتتال تەمىرتاۋ» اق باس ديرەكتورى ۆلاديمير يابلونسكيمەن كەزدەسۋدە اتاپ ءوتتى.
اۋدان باسشىسى «ارسەلورميتتال تەمىرتاۋ» كومپانياسىنىڭ باسشىلىعىنا, اسىرەسە قيىندىققا تاپ بولعان قارالىلىقتارعا قولداۋ كورسەتكەنى ءۇشىن ەرەكشە ريزاشىلىق ءبىلدىردى.
- سىزگە جاڭاجول شاعىن كەنتىن سۋمەن قامتاماسىز ەتۋگە كومەكتەسكەنىڭىز ءۇشىن العىسايتقىم كەلەدى. مۇندا اۋىز سۋعا قاتىستى ۇلكەن پروبلەما تۋىنداپ, تۇرعىندار بىزدەن جاردەمكورسەتۋىمىزدى سۇرادى. ولارعا ناق «ارسەلورميتتال تەمىرتاۋ» كومپانياسى كومەك قولىن سوزىپ وتىر, - دەدى ەران قۇسايىن. - قازىر ۇڭعىما بۇرعىلانىپ بولدى. ەندى سۋدىڭ ساپاسىن تەكسەرۋ ناتيجەسىن كۇتىپ وتىرمىز. ول دۇرىس بولسا, ماۋسىم ايىندا كەنتكە سۋدى تولىعىمەن بەرە باستايمىز.
كەزدەسۋدە ۆلاديمير يابلونسكي مەن ەران قۇسايىن ىنتىماقتاستىقتى ودان ءارى دامىتۋ ماسەلەلەرىن تالقىلادى. «ارسەلورميتتال تەمىرتاۋ» اق باس ديرەكتورى كومپانيا ءوز كاسىپورىندارى ورنالاسقان اۋداندى دامىتۋ ماسەلەلەرىن شەشۋگە بەلسەنە اتسالىسىپ, جاناشىرلىقپەن قاراپ وتىرعانىن اتاپ ايتتى.
- اۋداندى جان-جاقتى دامىتۋ قاجەت. بۇل بىزگەجۇمىس ورىندارىن قۇرۋ ءۇشىن عانا ەمەس, ەڭ الدىمەن, كومپانيامىزدىڭ قىزمەتكەرلەرى مەن ولاردىڭ وتباسىلارىنىڭ ەڭبەك جانە تۇرمىسجاعدايلارى قولايلى بولۋى ءۇشىن قاجەت, - دەدى ۆلاديمير يابلونسكي.
كەزدەسۋ سوڭىندا اۋدان اكىمى كومپانيا باسشىلىعىنا قارقارالىلىقتارعا كورسەتىپ وتىرعان الەۋمەتتىك كومەگى ءۇشىن تاعى دا ريزاشىلىق ءبىلدىرىپ, «ارسەلورميتتال تەمىرتاۋ» اق باس ديرەكتورىنا العىس حات تاپسىردى.