جەدەل جانە ارنايى ءىس-شارالار بارىسىندا الماتى پوليتسەيلەرىنىڭ نازارىنا ىلىككەن الماتى وبلىسى, قاراساي اۋدانىنان گاشيش جەتكىزىپ, قالا اۋماعىندا ساتۋمەن اينالىسقان 34 جاستاعى ا. ەسىمدى ازامات ۇستالدى, دەپ حابارلايدى Egemen.kz.
«ارنايى ءىس-شارا الماتىنىڭ الاتاۋ اۋدانىندا كەشكى التى جارىمدا جۇرگىزىلدى. كۇدىكتىنىڭ Hyundai اۆتوكولىگى توقتاتىلدى. جەكە ءتىنتۋ كەزىندە, سونداي-اق كۇدىكتىنىڭ تۇرعىلىقتى جەرى بويىنشا ءتىنتۋ كەزىندە بىرنەشە پوليمەر بايلامدارى تابىلىپ, تاركىلەندى. ولاردىڭ ىشىندە جاسىل ءتۇستى وسىمدىك تەكتەس شاڭدى زات بولدى. سوت-حيميالىق ساراپتاماسىنىڭ قورىتىندىسىنا سايكەس, تاركىلەنگەن ەسىرتكى زاتى اسا ءىرى كولەمدەگى گاشيش ەكەنى انىقتالدى. كۇدىكتى ۋاقىتشا ۇستاۋ يزولياتورىنا قامالدى», دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
قر قپك-ءنىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى.