مەملەكەت باسشىسىنىڭ جارلىعىمەن قىزمەتتىك بورىشىن اتقارۋدا كورسەتكەن باتىلدىعى مەن جانقيارلىعى ءۇشىن توتەنشە جاعدايلار مينيسترلىگىنىڭ الماتى قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №7 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى ارسلان جولداسبەك ۇلى قۇرمانبەكوۆ ءىىى دارەجەلى «ايبىن» وردەنىمەن ناگرادتالدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قۇرمانبەكوۆ ارسلان جولداسبەك ۇلى – ازاماتتىق قورعانىس سەرجانتى.
1994 جىلى 23 تامىزدا الماتى وبلىسى تالعار اۋدانى تالعار قالاسىندا دۇنيەگە كەلگەن.
ەڭبەك جولىن الماتى قالاسى تجد «وسجاقجق» مم №9 مامانداندىرىلعان ءورت ءسوندىرۋ بولىمىندە ءورت ءسوندىرۋشى-قۇتقارۋشى رەتىندە باستاعان.
الماتى قالاسى تجد «وسجاقجق» مم №1 ءورت ءسوندىرۋ بولىمىندە ءورت ءسوندىرۋشى, اعا ءورت ءسوندىرۋشى-قۇتقارۋشى بولىپ قىزمەت اتقارعان.
توتەنشە جاعدايلار مينيسترلىگى الماتى قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى №7 ءورت ءسوندىرۋ ءبولىمىنىڭ اعا ءورت ءسوندىرۋشى-قۇتقارۋشىسى لاۋازىمىنا 2019 جىلى تاعايىندالعان.
بيىل 8 مامىردا ارسلان قۇرمانبەكوۆ ىلە-الاتاۋ تابيعي پاركىنىڭ تاۋ بوكتەرىندەگى ءورتتى سوندىرگەن جەدەل توپتىڭ قۇرامىندا قىزمەتتىك بورىشىن اتقارا ءجۇرىپ, قايعىلى جاعدايدا قازا تاپتى.