جەتىباي كەن ورنىنداعى ۇڭعىمادا مونتاجداۋ كەزىندە اپات بولدى. وقيعا سالدارىنان ءبىر جۇمىسشى قازا تاپتى, تاعى بىرەۋى اۋرۋحاناعا جاتقىزىلدى, دەپ حابارلايدى Egemen.kz.
وقيعا ورنىنا جەدەل تۇردە ماڭعىستاۋ اۋدانىنىڭ پوليتسيا قىزمەتكەرلەرى باردى. جازاتايىم وقيعانىڭ ءمان-جايىن انىقتاۋ ماقساتىندا قۇقىق قورعاۋ ورگاندارىنىڭ قىزمەتكەرلەرى سوتقا دەيىنگى تەرگەۋ جۇرگىزەدى. وقيعا تۋرالى جەدەل تۇردە ماڭعىستاۋ وبلىسىنىڭ ەڭبەك باسقارماسىنا, ارنايى تەرگەۋ جۇرگىزۋ ءۇشىن ماڭعىستاۋ وبلىسىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ دەپارتامەنتىنە حابارلاما جىبەرىلگەن.
ماڭعىستاۋ وبلىسىنىڭ ەڭبەك باسقارماسى باسشىلىق ەتەتىن كوميسسيا قۇرىلدى.
«جازاتايىم وقيعا بويىنشا تەرگەۋدى «ماڭعىستاۋمۇنايگاز» اق باسشىلىعى جەكە باقىلاۋعا الدى. تەرگەۋ بەلگىلەنگەن مەرزىمدە جۇرگىزىلىپ, كىنالى ادامدار قازاقستان زاڭناماسىنا سايكەس جازالانادى», دەدى كومپانيا وكىلدەرى.