قوسىمشا اقى كوبەيدى

12 ءساۋىر كۇنى پرەزيدەنت جانىنداعى عى­لىم جانە تەحنولوگيالار جونىندەگى ۇلت­تىق كەڭەستىڭ وتىرىسىندا قاسىم-جومارت توقاەۆ عالىمداردىڭ مارتەبەسىن كو­تەرۋ, ونىڭ ىشىندە قارجىلىق قولداۋ كور­سەتۋ قاجەتتىگىن اتاپ وتكەنى ەسىمىزدە. ء«بىز عالىمدارىمىزدىڭ مارتەبەسىن دا­يەك­تى تۇردە ارتتىرىپ, ولاردىڭ الەۋ­مەت­تىك قورعالۋىن كۇشەيتۋىمىز قاجەت. وسى ماقساتتا جوعارى وقۋ ورىندارى مەن­ عىلىمي ۇيىمدار قىزمەتكەرلەرىنىڭ عى­لىمي دارەجەلەرى مەن اتاقتارى ءۇشىن قو­سىم­شا اقىنى 1,5 ەسەگە ارتتىرۋ كەرەك», دەگەن ەدى پرەزيدەنت.

سونىمەن جوعارى وقۋ ورىندارى مەن عىلىمي ۇيىمداردىڭ قىزمەتكەرلەرىنە عىلىمي دارەجەلەر مەن عىلىمي اتاقتار ءۇشىن كەلەسىدەي قوسىمشا تولەمدەر جوسپارلانعان:

فيلوسوفيا دوكتورى (PhD), سالا بويىنشا دوكتور دارەجەسى ءۇشىن 17 ەسەلەنگەن ايلىق ەسەپتىك كورسەتكىش (اەك) مولشەرىندە; فيلوسوفيا دوكتورى (PhD) عىلىمي دا­رە­جەسى جانە دوتسەنت, عىلىم دوك­تو­رى­­ عىلىمي اتاعى جانە دوتسەنت عىلى­مي­­ اتاعى ءۇشىن 25 ەسەلەنگەن اەك مولشەرىندە; عىلىم كانديداتى عىلىمي دارەجەسى ءۇشىن 17 ەسەلەنگەن اەك, عىلىم دوكتورى ءۇشىن 34 ەسەلەنگەن اەك مولشەرىندە; عىلىم كانديداتى عىلىمي دا­رە­جەسى جانە قاۋىمداستىرىلعان پرو­فەس­سور عىلىمي اتاعى ءۇشىن 25 ەسە­لەن­گەن اەك, عىلىم دوكتورى جانە قا­ۋىم­داس­تى­رىلعان پروفەسسور عى­لى­مي اتاعى ءۇشىن 42 ەسەلەنگەن اەك مول­شە­رىندە; فيلوسوفيا دوكتورى (PhD), سالا بو­يىنشا دوكتور جانە پروفەسسور عىلىمي اتاعى ءۇشىن, عىلىم كانديداتى عىلىمي دارەجەسى مەن پروفەسسور عىلىمي اتاعى ءۇشىن, عىلىم دوكتورى عىلىمي اتاعى بار پروفەسسورلار ءۇشىن 50 ەسەلەنگەن اەك مولشەرىندە.