«اتامەكەن» ۇلتتىق كاسىپكەرلەر پالاتاسىندا يندۋستريا جانە ينفراقۇرىلىمدىق دامۋ مينيسترلىگى وكىلدەرىنىڭ, سونداي-اق قۇرىلىس كومپانيالارى مەن ساراپشىلاردىڭ قاتىسۋىمەن جاڭا قۇرىلىس كودەكسىنىڭ العاشقى جوباسى ۇسىنىلدى, دەپ حابارلايدى Egemen.kz.
اتالعان زاڭ جوباسىنىڭ تانىستىرىلىمىندا ساراپشىلاردىڭ ايتقان ۇسىنىس, ەسكەرتۋلەرى وسى قۇجاتتى ازىرلەۋمەن اينالىساتىن كىشى جۇمىس توپتارىنىڭ ناقتى تاراۋلار مەن بولىمدەردىڭ مازمۇنىنا بايلانىستى جيىندارىندا تالقىلانىپ, ەسكەرىلەدى.
«بۇل رەفورما قازاقستانداعى ساۋلەت, قالا قۇرىلىسى مەن قۇرىلىس جۇمىستارىن جۇزەگە اسىرىپ, ونىڭ قىزمەتىن قاداعالايتىن مەملەكەتتىك ورگانداردىڭ, جەكە جانە زاڭدى تۇلعالاردىڭ اراسىنداعى قاتىناستاردى رەتتەۋدى كوزدەيدى. سونداي-اق حالىقتىڭ تولىققاندى قولايلى ءومىر ءسۇرۋ ورتاسىن قالىپتاستىرۋعا, ەلدى مەكەندەر مەن قونىسارالىق اۋماقتاردى ورنىقتى دامىتۋعا باعىتتالعان», دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىندە.