جاڭاوزەندى شاڭدى داۋىل باسىپ قالدى. مەكتەپ وقۋشىلارى قالاداعى اۋا رايىنىڭ قولايسىزدىعىنا بايلانىستى قاشىقتان وقىتۋ فورماتىنا كوشىرىلدى, دەپ حابارلايدى Egemen.kz Lada.kz سايتىنا سىلتەمە جاساپ.
قالا جولدارىندا كولىك قوزعالىسى دا قيىنعا سوعىپ بارادى. الەۋمەتتىك جەلىدە شاڭدى داۋىلدىڭ ۆيدەوسى تاراپ جاتىر.
- «قازگيدرومەت» قىزمەتى ماڭعىستاۋ وبلىسى اۋماعىندا شاڭدى داۋىل تۇرىپ جاتقانى, جەلدىڭ جىلدامدىعى سەكۋندىنا 15-20 مەترگە جەتەتىنى تۋرالى SMS حابارلاما تاراتتى. وسىعان بايلانىستى ءبىلىم بەرۋ ۇيىمدارىندا ساباق قاشىقتان جۇرگىزەلەدى. ءبىز ازاماتتاردان ساقتىق شارالارىن ساقتاۋدى سۇرايمىز, - دەپ حابارلادى جاڭاوزەن اكىمدىگىنىڭ ءباسپاسوز قىزمەتى.
وبلىستىق پوليتسيا دەپارتامەنتى كولىك جۇرگىزۋشىلەرىنەن جولدا وتە ساق بولۋدى سۇرايدى. رەسمي مالىمەت بويىنشا, وبلىستاعى بارلىق جولدار كولىك قوزعالىسى ءۇشىن اشىق تۇر.