كوكشەتاۋ پوليتسەيلەرى ازاماتتىق نەكەدەگى كۇيەۋىن ءولتىردى دەگەن كۇدىككە ىلىنگەن ايەل ادامدى ۇستادى, دەپ حابارلايدى Egemen.kz.
پوليتسيا قىزمەتكەرلەرى وقيعا ورنىنا بارعان كەزدە 45 جاستاعى ەر ادامنىڭ ءمايىتىن تاپقان. ونىڭ دەنەسىندە زورلىق-زومبىلىق بەلگىلەرى بولعان.
تەرگەۋ بارىسىندا ەر ادامعا اۋىر دەنە جاراقاتىن سالدى دەگەن كۇدىكپەن مارقۇممەن بىرگە تۇرعان ايەل ۇستالعان.
قايعىلى وقيعا بولعان كۇنى ازاماتتىق نەكەدەگى ەرلى-زايىپتى پاتەردە وزدەرى بولعانى جانە ولاردىڭ اراسىندا جانجال تۋىنداعانى انىقتالعان. جانجال كەزىندە كۇدىكتى ەر ادامنىڭ كەۋدەسىنە پىشاق سۇققان, سوت-مەديتسينالىق ساراپشىنىڭ قورىتىندىسى بويىنشا جابىرلەنۋشى سونىڭ سالدارىنان قايتىس بولعان.
اتالعان دەرەك بويىنشا قر قىلمىستىق كودەكسىنىڭ 106-بابى 3-بولىگى بويىنشا تەرگەۋ امالدارى باستالدى.