استانادا قۇرىلىستىڭ باستاپقى ساتىسىنداعى ۇلەسكەرلەردىڭ اقشاسىن تارتۋعا ءتيىستى رۇقساتى جوق قۇرىلىس ۇيىمدارىنىڭ ءتىزىمى جاڭاردى, دەپ حابارلايدى Egemen.kz ەلوردا اكىمدىگىنىڭ ءباسپاسوز قىزمەتىنە سىلتەمە جاساپ.
قولدانىستاعى زاڭنامانى اينالىپ ءوتۋ كەزىندە جاسالعان بارلىق مامىلەلەر, ونىڭ ىشىندە الدىن الا برونداۋ شارتى, رەزەرۆتەۋ شارتى, ينۆەستيتسيالاۋ شارتى, تالاپ ەتۋ قۇقىعىن باسقاعا بەرۋ شارتى تىزىمدە كورسەتىلگەن كوپپاتەرلى تۇرعىن ءۇي كەشەندەرىندە جارامسىز بولىپ سانالادى.
استانا اكىمدىگى ازاماتتاردان قىراعى بولۋدى سۇرايدى جانە رۇقسات بەرۋ قۇجاتتارى (قۇرىلىسقا رۇقسات, «جوبالاردىڭ مەملەكەتتىك ۆەدومستۆودان تىس ساراپتاماسى» شجق رمك وڭ قورىتىندىسى) بولماعان كەزدە تۇرعىن ءۇي ساتىپ الۋدان باس تارتقان ءجون ەكەنىن ەسكە سالادى.
ايتا كەتسەك, ۇلەسكەرلەردىڭ قاراجاتىن ءتيىستى رۇقساتسىز قابىلداۋعا «تۇرعىن ءۇي قۇرىلىسىنا ۇلەستىك قاتىسۋ تۋرالى» قازاقستان رەسپۋبليكاسىنىڭ زاڭناماسىمەن تىيىم سالىنادى, بۇل رەتتە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 320-بابى, سونداي-اق قازاقستان رەسپۋبليكاسى قىلمىستىق كودەكسىنىڭ 214-بابى بويىنشا كاسىپكەرلىك قىزمەتتىڭ تىيىم سالىنعان تۇرلەرىمەن اينالىسقانى ءۇشىن جاۋاپكەرشىلىك كوزدەلگەن.
ۇلەسكەرلەردىڭ تىزىمىمەن مىنا سىلتەمە ارقىلى تانىسۋعا بولادى.