سەمەي قالاسىنىڭ الەۋمەتتىك جەلىلەرىنە مونيتورينگ جۇرگىزۋ بارىسىندا مەكتەپ وقۋشىلارى ءوز قۇرداستارىنا دەنە جاراقاتىن سالعان بەينەجازبا انىقتالدى, دەپ حابارلايدى Egemen.kz.
وقيعا 10 ءساۋىر سەمەي قالاسىندا بولعان. وسى فاكت بويىنشا قر قك 293-بابىمەن سوتقا دەيىنگى تەرگەۋ باستالدى. جانجالدىڭ بارلىق قاتىسۋشىلارى انىقتالىپ, زاڭدى وكىلدەرىمەن بىرگە پوليتسيا بولىمىنە جەتكىزىلدى. قازىر اتا-انالاردىڭ, پسيحولوگتاردىڭ قاتىسۋىمەن تەرگەۋ شارالارى جۇرگىزىلىپ جاتىر.
«بۇزاقىلىق بويىنشا سوتالدى تەرگەۋ باستالدى. توبەلەسكە قاتىسقان بارلىق ادام انىقتالىپ, زاڭدى وكىلدەرىمەن بىرگە ولار پوليتسيا ءبولىمىنىڭ ۋاقىتشا ۇستاۋ يزولياتورىنا جەتكىزىلدى. قازىر اتا-انالاردىڭ, پسيحولوگتاردىڭ قاتىسۋىمەن تەرگەۋ شارالارى جۇرگىزىلىپ جاتىر. قالعان مالىمەتتەر قر قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن جاريالانبايدى», دەدى سەمەي قالالىق ءىىب باستىعىنىڭ ورىنباسارى جانداربەك احمەتجانوۆ.