بۇگىن, 13 ساۋىردە استانا اۋەجايىنىڭ ماڭىندا قۇرعاق ءشوپ پەن قامىس ورتەنە باستادى, بىرنەشە ساعات وتسە دە, ءتىلسىز جاۋ ءالى اۋىزدىقتالعان جوق. وقيعا ورىنىنا استانا قالاسى توتەنشە جاعدايلار دەپارتامەنتىنىڭ 40 ادامى مەن 5 تەحنيكاسى جۇمىلدىرىلعان, دەپ حابارلايدى Egemen.kz.
قالالىق تجد ۇسىنعان مالىمەت بويىنشا, وقيعا ورنىندا جەدەل شتاب قۇرىلدى.
«14:30-داعى جاعداي بويىنشا قۇرعاق ءشوپ پەن قامىستىڭ ورتەنۋ اۋماعى شامامەن 3 گەكتارعا جەتتى. قازىرگى ۋاقىتتا استانا قالاسى تجد جەكە قۇرامىنىڭ 40 ادامى مەن 5 تەحنيكاسى, سونداي-اق اكىمدىكتىڭ 4 سۋارۋ جۋ ماشينالارى ءورتتى ءسوندىرىپ جاتىر», دەلىنگەن اقپاراتتىق حابارلامادا.ۆەدومستۆو وكىلدەرى قازا تاپقاندار مەن زارداپ شەككەندەر جوق ەكەنىن قوسا حابارلادى.
ء«ورتتىڭ سەبەبى الداعى ۋاقىتتا انىقتالادى. ەكپىندى جەل مەن قۇرعاق ءشوپ ءورت ءسوندىرۋ جۇمىستارىنا قيىندىق كەلتىرىپ جاتىر», دەدى تجد وكىلدەرى.ايتا كەتسەك, ءورت اۋە ايلاعىنىڭ قىزمەتىنە اسەر ەتپەگەن. استانا اۋەجايى شتاتتىق رەجيمدە جۇمىس ىستەپ تۇر.