قازاقستاندىقتار سەنىمحاتتى تسيفرلىق نوتاريات ارقىلى ونلاين راسىمدەي الادى. بۇل تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين حابارلادى, دەپ جازادى Egemen.kz.
«مەن ءبىر جولى شەتەلدە كەزەكتى ءىس-ساپاردا جۇرگەن كەزدە ءبىر ماسەلەمەن بەتپە-بەت كەلدىم: بالانى اتاسىمەن بىرگە باسقا قالاعا جىبەرۋ قاجەت ەدى, بىراق مەن سەنىمحات راسىمدەي المادىم. مۇنداي جاعدايلار كوپ ادامعا تانىس دەپ ويلايمىن, الايدا ەندى قازاقستاندىقتار سەنىمحاتتى ونلاين رەجيمدە راسىمدەي الادى», دەپ جازدى مينيستر.
تسيفرلىق نوتاريات eGovMobile ۇيالى قوسىمشاسى ارقىلى نوتاريالدى تۇردە كۋالاندىرىلاتىن سەنىمحاتتاردى ونلاين فورماتقا اۋىستىرۋعا مۇمكىندىك بەرەدى. ونى شەتەلدە جۇرگەن ازاماتتار دا پايدالانا الادى. ول ءۇشىن قوسىمشاعا كىرىپ, نوتاريۋسقا بەينەقوڭىراۋ شالۋ جەتكىلىكتى.