الماتى وبلىسى قاراساي اۋدانى جارمۇحامبەت اۋىلىندا شينا ساقتالعان قويما ورتەندى. ءورتتىڭ جالپى اۋماعى 700 شارشى مەتردەن استى. ونى سوندىرۋگە الماتى وبلىسىنىڭ ءورت سوندىرۋشىلەرى, پوليتسيا قىزمەتكەرلەرى جىبەرىلدى, دەپ حابارلايدى Egemen.kz.
«2023 جىلعى 9 ساۋىردە ساعات 07:20-دا قاسكەلەڭدەگى № 5 ءورت ءسوندىرۋ ءبولىمىنىڭ بايلانىس پۋنكتىنە الماتى وبلىسى توتەنشە جاعدايلار دەپارتامەنتى ء«ورت ءسوندىرۋ جانە اۆاريالىق قۇتقارۋ جۇمىستارى» مەملەكەتتىك مەكەمەسىنەن قاراساي اۋدانىنىڭ جارمۇحانبەت اۋىلىنداعى ماقاتاەۆ كوشەسى بويىندا جالپى اۋدانى 63 شارشى مەتر ءبىر قاباتتى ءۇي ورتەنىپ جاتقانى تۋرالى حابارلاما ءتۇستى. كەيىننەن قويما ءۇي-جايىنداعى اۆتوموبيل شينالارىنا ء(بىر قاباتتى, گ-ءتارىزدى عيمارات, جالپى اۋدانى 500 شارشى مەتر كىرپىش جانە مەتالل قابىرعالار, تەمىر تور بويىنشا مەتالل شاتىر) جەتكەن. وقيعا ورنىنا ءبىرىنشى بولىمشە كەلگەن كەزدە ءورت 763 شارشى مەترگە جايىلىپ ۇلگەرگەن», دەلىنگەن الماتى وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى تاراتقان حابارلامادا.
ءورت ساعات 09:08-دە اۋىزدىقتالدى. قۇرباندار مەن زارداپ شەككەندەر جوق. جەكە تۇرعىن ۇيلەرگە قاۋىپ جوق.
اتالعان فاكت بويىنشا قاراساي اۋدانىنىڭ تجب قر قىلمىستىق كودەكسىنىڭ 292-بابىنىڭ 1-بولىگى بويىنشا «ابايسىزدا ادام دەنساۋلىعىنا اۋىر نەمەسە ورتاشا اۋىرلىقتاعى زيان كەلتىرۋگە نەمەسە ازاماتقا, ۇيىمعا نەمەسە مەملەكەتكە ءىرى زيان كەلتىرۋگە اكەپ سوقتىرسا, ولاردى ساقتاۋعا جاۋاپتى ادامنىڭ ءورت قاۋىپسىزدىگى تالاپتارىن بۇزۋى» بويىنشا قىلمىستىق ءىس قوزعالدى.
ءورتتى سوندىرۋگە الماتى وبلىسى توتەنشە جاعدايلار دەپارتامەنتىنىڭ 27 قىزمەتكەرى مەن 10 بىرلىك تەحنيكاسى, الماتى توتەنشە جاعدايلار دەپارتامەنتىنىڭ 12 قىزمەتكەرى مەن 2 بىرلىك تەحنيكاسى, اۋداندىق پوليتسيا ءبولىمىنىڭ 3 قىزمەتكەرى مەن 1 بىرلىك تەحنيكاسى, جەدەل مەديتسينالىق جاردەم بريگاداسىنىڭ 3 قىزمەتكەرى مەن 1 بىرلىك تەحنيكاسى جۇمىلدىرىلدى.