مەركى اۋدانىنىڭ پوليتسيا بولىمىنە 40 جاستاعى جەرگىلىكتى تۇرعىن الاياققا الدانعانى تۋرالى ارىز ءتۇسىردى, دەپ حابارلايدى Egemen.kz.
جابىرلەنۋشىنىڭ ايتۋىنشا, وتكەن جىلدىڭ شىلدە ايىندا وعان تانىس ادامى Toyota Hilux اۆتوكولىگىن نارىقتاعى قۇنىنان تومەن باعادا ساتىپ الۋعا كومەكتەسۋگە ۋادە بەرىپ, ودان 11 743 700 تەڭگە العان.
الايدا 9 ايدان كەيىن ول ۋادە ەتىلگەن كولىكتى دە, اقشانى دا الماعاندىعىن باسا ايتتى. تەرگەۋ شارالارى ناتيجەسىندە وبلىس ورتالىعىنىڭ 39 جاستاعى تۇرعىنى ۇستالدى.
قر قك 190-بابى 3-بولىگىمەن سوتقا دەيىنگى تەرگەۋ امالدارى باستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى.