بۇگىن «قازگيدرومەت» رەسپۋبليكانىڭ التى وڭىرىندە قولايسىز اۋا رايى بولاتىنىن ايتىپ, ەسكەرتۋ جاسادى, دەپ حابارلايدى Egemen.kz.
سينوپتيكتەردىڭ بولجامىنا قاراعاندا, اقتوبە وبلىسىندا تۇمان بولادى.
جەتىسۋ وبلىسىنىڭ الاكول كولدەرى اۋدانىندا وڭتۇستىك-شىعىستان جەل سوعادى, كۇشى 15-20, ەكپىنى 23-28 م/س-قا جەتەدى. وبلىستىڭ سولتۇستىگىندە, ورتالىعىندا, تاۋلى اۋداندارىندا 4 گرادۋس ۇسىك جۇرەدى.قىزىلوردا وبلىسىنىڭ ورتالىعىندا, شىعىسىندا نايزاعاي وينايدى.
تۇركىستان وبلىسىنىڭ تاۋلى اۋداندارىندا نوسەر جاڭبىر جاۋادى. وبلىستىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا نايزاعاي, بۇرشاق. وڭتۇستىك-شىعىستان وڭتۇستىك-باتىسقا اۋىساتىن جەل سوعادى, وبلىستىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا 15-20, ەكپىنى - 23 م/س.
شىمكەنتتە كەي ۋاقىتتا نايزاعاي وينايدى. وڭتۇستىك-شىعىستان وڭتۇستىك-باتىسقا اۋىساتىن جەل سوعادى, ەكپىنى 15-20 م/س-قا جەتەدى.
جامبىل وبلىسىنىڭ باتىسىندا, وڭتۇستىگىندە, تاۋلى اۋداندارىندا نايزاعاي وينايدى. وڭتۇستىك-باتىستان جەل سوعادى, وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەل 15-20 م/س جىلدامدىقپەن سوعادى.