VIII شاقىرىلىمداعى پارلامەنتتىڭ ءبىرىنشى سەسسياسىندا پرەزيدەنت جاڭادان سايلانعان دەپۋتاتتاردى قۇتتىقتاۋدان باستاپ, 2022 جىلعى وتكەن كونستيتۋتسيالىق رەفورمالار تالابىنا سايكەس پرەزيدەنت سايلاۋى, سەنات, ءماجىلىس جانە ءماسليحاتتار سايلاۋلارىنىڭ ءساتتى وتكەندىگى تۋرالى پىكىرىن ءبىلدىردى.
پارتيالارمەن قاتار ازاماتتاردىڭ دا ءبىرمانداتتى وكرۋگتەن ءوزىن-ءوزى ۇسىنۋ مۇمكىندىگىنە يە بولۋى, پارتيالار مەن ۇمىتكەرلەرگە بىردەي مۇمكىندىك بەرىلۋى, وبلىس اكىمدەرى پارتيا بولىمشەلەرىنە جەتەكشىلىك ەتپەيتىندىگى, جوعارى لاۋازىمدى قىزمەتكەرلەردىڭ پارتيا تىزىمىندە بولماۋى – مىنە, بۇل جولعى سايلاۋدىڭ وزگەشەلىگى وسىنداي ەرەكشەلىگىندە جاتىر. ءاربىر پارتيانىڭ ۇستانىمى, يدەولوگياسى تۇرعىسىنان ەرەكشەلەنەتىندىكتەن, ماجىلىسكە ءتۇرلى ساياسي كوزقاراستاعى وكىلدەر كەلىپ تولىقتىرىلدى. سايلاۋداعى پارتيالاردىڭ بەلسەندى قىزمەتىنىڭ كورىنىسى پارتيالاردى تىركەۋ ماسەلەسىن رەتتەيتىن زاڭنامانىڭ وڭتايلاندىرىلىپ وزگەرۋى دە اسەرىن تيگىزدى.
سونىمەن قاتار سايلاۋدىڭ ناتيجەلەرى مەملەكەتتە شىنايى كوپپارتيالىق جۇيەنىڭ قالىپتاسۋىنا دەگەن ناقتى مۇمكىندىكتەردىڭ بار ەكەندىگىن كورسەتتى. بۇل ۇدەرىستىڭ ءوزى مەملەكەتتە ازاماتتىق قوعام مەن ساياسي مادەنيەتتىڭ دامۋىندا ۇلكەن ءرول وينايتىنى ءسوزسىز.
مەيرامكۇل يساەۆا,
ساياسي زەرتتەۋلەر ورتالىعىنىڭ عىلىمي قىزمەتكەرى