كەنتاۋ قالاسىنىڭ بۇرىنعى اكىمى راشيد ايۋپوۆ استانا قالاسى بويىنشا تۇزەۋ قىزمەتى دەپارتامەنتىنىڭ №64 (سيزو) ارالاس كۇزەت مەكەمەسىندە قاماۋدا وتىر, دەپ حابارلايدى Egemen.kz.
قر ىشكى ىستەر مينيسترلىگى پەنيتەنتسيارلىق جۇيە كوميتەتىنىڭ دەرەكتەرى بويىنشا, بۇرىنعى شەنەۋنىك 2022 جىلعى 17 قازاننان باستاپ جالپى نەگىزدە استانا قالاسى قىلمىستىق ادىلەت دەپارتامەنتىنىڭ تەرگەۋ يزولياتورىنا قاماۋعا الىنعان.
ءىىم مالىمەتىنشە, تەرگەۋ يزولياتورلارىندا قامالعان ادامداردىڭ قولدانىستاعى زاڭناماعا سايكەس, مەكەمە كىتاپحاناسىنان كىتاپ الۋعا, ادۆوكاتتارمەن, قوعامدىق قورعاۋشىلارمەن جانە تۋىستارىمەن كەزدەسۋگە مۇمكىندىگى بار. راشيد ايۋپوۆ 1981 جىلى كەنتاۋ قالاسىندا دۇنيەگە كەلگەن. ول ءار جىلدارى تۇركىستان وبلىسى اكىمىنىڭ ورىنباسارى, تۇركىستان قالاسىنىڭ اكىمى, كەنتاۋ قالاسىنىڭ اكىمى لاۋازىمدارىن اتقارعان.
ەكس-اكىمگە قانداي ايىپ تاعىلىپ وتىرعانى ازىرگە بەلگىسىز.