اتىراۋ وبلىستىق ءماسليحاتىنىڭ توراعاسى سايلاندى

وبلىستىق اۋماقتىق سايلاۋ كوميسسياسىنىڭ توراعاسى ازامات ايماناكۋموۆتىڭ مالىمەتىنشە, ءماسليحاتتىڭ قۇرامىنداعى 30 دەپۋتاتتىڭ 15-ءى ءبىرمانداتتى وكرۋگتەن, 15-ءى ساياسي پارتيالاردان سايلانعان. ونىڭ ىشىندە 17-ءسى قايتادان ماندات العان.

«وبلىستىق ءماسليحات دەپۋتاتتارىنىڭ اراسىندا 23 ەر, 7 ايەل بار. ولاردىڭ ورتاشا جاسى – 45-تە. دەپۋتاتتاردىڭ قۇرامىندا ازاماتتىق قوعامنىڭ 6, باق-تىڭ 3 وكىلى بار. سونداي-اق 9 كاسىپكەر, ءبىلىم جانە سپورت سالاسىنان 3 قىزمەتكەر, 4 فەرمەر, كاسىپورىنداردان 3, دەنساۋلىق ساقتاۋ سالاسى مەن مەملەكەتتىك ورگاننان 1 وكىل سايلاندى», دەپ حابارلادى ازامات ايماناكۋموۆ.

وبلىستىق ءماسليحاتتىڭ جاڭا توراعاسى مۇسا حايرۋلليەۆ ءبىرمانداتتى №5 وكرۋگتەن ءوزىن-ءوزى ۇسىنۋ جولىمەن دەپۋتات بولىپ سايلانعان.

ول 1984 جىلى دۇنيەگە كەلگەن. وسى كەزگە دەيىن «ازاماتتارعا ارنالعان ۇكىمەت» مەملەكەتتىك كورپوراتسياسى» كەاق اتىراۋ وبلىستىق فيليالىنىڭ ديرەكتورى لاۋازىمىن اتقارعان.