«AMANAT» پارتياسىنىڭ ساياسي كەڭەسى بيۋروسىنىڭ شەشىمىمەن 40 كانديداتتىڭ ءتىزىمى بەكىتىلىپ, قر پارلامەنتى ءماجىلىسىنىڭ VIII شاقىرىلىمىنىڭ دەپۋتاتتارى رەتىندە تىركەۋ ءۇشىن ورتالىق سايلاۋ كوميسسياسىنا جولداندى, دەپ حابارلايدى Egemen.kz.
«AMANAT» پارتياسىنا 40 دەپۋتاتتىق ماندات بەرىلگەن. پارتيا ۇسىنعان ءتىزىم بويىنشا اسحات ايماعامبەتوۆ ءماجىلىس دەپۋتاتتارىنىڭ قاتارىندا.
اسحات ايماعامبەتوۆ 1982 جىلى قاراعاندى وبلىسىندا دۇنيەگە كەلگەن. 2003 جىلى ە. بوكەتوۆ اتىنداعى قارمۋ تاريح فاكۋلتەتىن «تاريحشى, تاريح مۇعالىمى» بىلىكتىلىگى بويىنشا تامامداعان.
2006 جىلى – قاراعاندى «بولاشاق» اكتۋالدى ءبىلىم بەرۋ ينستيتۋتىنىڭ زاڭ فاكۋلتەتىن «قۇقىقتانۋ» ماماندىعى بويىنشا اياقتاعان.
ەڭبەك جولىن 2002 جىلى ە. بوكەتوۆ اتىنداعى قارمۋ-دەن باستاعان, 2004–2005 جىلدارى «اڭسار» جاستار ليگاسى» قب توراعاسى بولعان, 2005–2006 جىلدارى «مەديا سپ» جشس ديرەكتورى, 2006–2012 جىلدارى — قارمۋ ساياساتتانۋ جانە الەۋمەتتانۋ كافەدراسىنىڭ وقىتۋشىسى, اعا وقىتۋشىسى, دوتسەنتى رەتىندە قىزمەت اتقارعان.
2012–2014 جىلدارى نۇرا اۋدانى اكىمىنىڭ الەۋمەتتىك ماسەلەلەر جونىندەگى ورىنباسارى قىزمەتىن اتقارعان.
2014 جىلعى اقپان ايىنان باستاپ 2017 جىلعى تامىزعا دەيىن — قاراعاندى وبلىسى ءبىلىم بەرۋ باسقارماسىنىڭ باسشىسى لاۋازىمىن اتقارعان.
2017 جىلعى تامىزدان باستاپ 2019 جىلعى قاڭتارعا دەيىن قر ءبىلىم جəنە عىلىم ۆيتسە-ءمينيسترى قىزمەتىن اتقارعان.
مينيستر لاۋازىمىنا تاعايىندالعانعا دەيىن قاراعاندى وبلىسى اكىمىنىڭ ورىنباسارى بولىپ قىزمەت ەتتى.
2003–2012 جىلدار ارالىعىندا قاراعاندى قالالىق ءماسليحاتىنىڭ III جانە IV شاقىرىلىمدارىنىڭ دەپۋتاتى, قالا ءماسليحاتىنىڭ الەۋمەتتىك ماسەلەلەر بويىنشا تۇراقتى كوميسسياسىنىڭ توراعاسى بولىپ سايلانعان.
2019 جىلى ءبىلىم جانە عىلىم ءمينيسترى بولىپ تاعايىندالعان. 2023 جىلعى 4 قاڭتار كۇنى پرەزيدەنت جارلىعىمەن قىزمەتىنەن بوساتىلدى.