وتكەن ءبىر تاۋلىكتە ەل وڭىرلەرىندە 23 ادامنان كوروناۆيرۋس انىقتالدى, دەپ حابارلايدى Egemen.kz دسم سانيتاريالىق-ەپيدەميولوگيالىق باقىلاۋ كوميتەتىنە سىلتەمە جاساپ.
23 ناۋرىزداعى جاعداي بويىنشا, قازىر 1 795 ادام كوروناۆيرۋس ينفەكتسياسىنان (كوروناۆيرۋستان (كۆي+) –1 625, پنەۆمونيادان (كۆي-) – 170) ەمدەلۋدە. ولاردىڭ ىشىندە 140 پاتسيەنت ستاتسيوناردا, 1 655 ناۋقاس امبۋلاتوريالىق دەڭگەيدە ەم قابىلداپ جاتىر.
كۆي+, كۆي- شالدىققاندار اراسىندا:
- 5 ادامنىڭ جاعدايى اۋىر,
- 1 پاتسيەنتتىڭ جاعدايى وتە اۋىر,
- 2 ناۋقاس وكپەنى جاساندى جەلدەتۋ اپپاراتىنا قوسىلعان.
ايتا كەتەيىك, 21 ناۋرىزدا تاۋلىك ىشىندە كوروناۆيرۋس 34 ادامدا, 20 ناۋرىزدا 70 ادامدا تىركەلگەن بولاتىن.