اتاقتى يۋتۋبەر وسىدان 7 اي بۇرىن پارلامەنت دەپۋتاتى بولىپ سايلانعان. بىراق سودان بەرى بىردە-ءبىر رەت جۇمىسقا بارماعان, دەپ حابارلايدى Egemen.kz.
يوسيكادزۋ حيگاسيتانيدى سەناتتاعى ارىپتەستەرى جۇمىسقا شىقپاعانى ءۇشىن دەپۋتاتتىق مانداتىنان ايىرۋدى تالاپ ەتتى. ول وسى قىزمەتكە سايلانعاننان بەرى پارلامەنت وتىرىستارىنىڭ بىرەۋىنە دە قاتىسپاعان. پارلامەنتتىڭ تارتىپتىك كوميتەتى ونىڭ دەپۋتاتتىق مارتەبەسىن الىپ تاستادى.
سايلاۋشىلار حيگاسيتانيدى وتكەن جىلى شىلدەدە جوعارعى پالاتاعا دەپۋتات ەتىپ سايلاعان. ول كوپشىلىككە YouTube جەلىسىندە GaaSyy دەگەن اتپەن تانىمال.
«جۇمىسقا كەلمەيتىن دەپۋتات» دەگەن لاقاپ اتقا يە بولعان ازامات بىرىككەن اراب امىرلىكتەرىندە تۇرادى.
جاپوندىق باق-تىڭ حابارلاۋىنشا, ول وسى ۋاقىتقا دەيىن پارلامەنتكە بارۋدان باس تارتقان. ول سەيدجيكا-دجوشي-48 وپپوزيتسيالىق پارتياسىنان سايلانعان ەكى دەپۋتاتتىڭ ءبىرى بولعان.
وتكەن اپتادا پارلامەنت وكىلدەرى يوسيكادزۋ حيگاسيتانيدەن كوپشىلىكتەن كەشىرىم سۇراۋىن تالاپ ەتىپ, بۇل وعان سوڭعى مۇمكىندىك بولاتىنىن ەسكەرتكەن. بىراق يوسيكادزۋ حيگاسيتاني پلەنارلىق وتىرىسقا قاتىسقان جوق. ونىڭ ورنىنا ول ءوزىنىڭ YouTube ارناسىندا تۇركياعا باراتىنىن جانە جالاقىسىن تۇركياداعى جەر سىلكىنىسىنەن زارداپ شەككەندەرگە كومەككە بەرۋدى جوسپارلاپ وتىرعانىن حابارلادى.
ونىڭ جۇمىسقا كەلمەۋى سەناتتىڭ اشۋىن تۋعىزدى. ءبارى ءبىراۋىزدان ونى ورنىنان الىپ تاستاۋعا داۋىس بەردى.