«پاكىستان ارمياسىنىڭ كوماندالىق رۋحى» دەگەن اتاۋمەن حايبەر-پاحتۋنحۆا پروۆينتسياسىنداعى تەرروريزمگە قارسى ورتالىقتا التىنشى حالىقارالىق ارميا جارىسى ءوتتى, دەپ حابارلايدى Egemen.kz قورعانىس مينيسترلىگىنە سىلتەمە جاساپ.
جارىسقا شىعىس وڭىرلىك قولباسشىلىعىنىڭ 44736 اسكەري ءبولىمىنىڭ اسكەري قىزمەتشىلەرى قاتىستى.
جارىس شارتتارى بويىنشا ۇزىندىعى 70 شاقىرىمعا جۋىق باعىتتا كوماندالار ازيمۋتتى باعدارلاي وتىرىپ, تاپسىرمالاردى پىسىقتاپ, باقىلاۋ پۋنكتتەرىنەن ءوتتى. ۇيىمداستىرۋشىلاردىڭ جوسپارى بويىنشا توپتار جاۋ باسىپ العان بەيتانىس كروسس بويىنشا ءجۇردى.
ء«بىز ءۇشىن جارىستىڭ ەرەكشەلىگى قارلى ءارى ايازدى قىستان 30 گرادۋستىق جىلى وڭىرگە تاپ بولدىق. تاعى ءبىر فاكتور بولدى – جاڭا كوپۇلتتى كوممۋنيكاتيۆتى ورتاعا ەنۋ. ءۇش كۇن قاتارىنان, كۇندىز-ءتۇنى ءبىز مارشرۋتتا تاپسىرمالاردى ورىندادىق. ءبىز ءۇشىن بۇل جاۋىنگەرلىك داعدىلار مەن كەز كەلگەن, سونىڭ ىشىندە ەكسترەمالدى جاعدايلاردا جۇمىس ىستەۋ قابىلەتىنىڭ تاماشا سىناعى بولدى», دەدى كوماندا جەتەكشىسى پولكوۆنيك دينار قۇربانباەۆ.
جارىستارعا جاۋدىڭ نىساندارىن تابۋ, تورۋىل جاساۋ, كالاشنيكوۆ اۆتوماتىنان اتۋ, ارتيللەريا اتىسىن تۇزەتۋ, جەدەل مەديتسينالىق كومەك كورسەتۋ, جارالىلاردى ەۆاكۋاتسيالاۋ, الاڭدى مينادان تازارتۋ جانە تۇنگى ۋاقىتتا سۋ كەدەرگىلەرىن ەڭسەرۋ كىردى. بۇل رەتتە مارشرۋتتىڭ ءوتۋ ۋاقىتى مەن تاپسىرمالاردى پىسىقتاۋ ساپاسى ەسكەرىلدى.