ماڭعىستاۋ وبلىستىق پوليتسيا دەپارتامەنتىنىڭ قىزمەتكەرلەرى 41 جاستاعى كۇدىكتىنى ۇستادى, دەپ حابارلايدى Egemen.kz.
ءتارتىپ ساقشىلارى كولىكتىڭ سالونىن ءتىنتۋ كەزىندە الدىڭعى ورىندىقتا ماريحۋاناعا ۇقساس وسىمدىك تەكتەس زاتى بار پوليەتيلەن پاكەتىن جانە 14 بۋما ەسىرتكى زاتىن تاپتى. ەسىرتكىنىڭ جالپى سالماعى 1,5 كگ بولدى.
كۇدىكتىنىڭ تانىسىنا تيەسىلى «Mercedes-Benz ە-190» اۆتوكولىگىن ءتىنتۋ كەزىندە تاعى 55 كەلى ەسىرتكى تەكتەس زات تاركىلەندى.
اتالعان فاكتى قر قك-ءنىڭ 296-بابىنىڭ 4-بولىگى «ەسىرتكى, پسيحوتروپتىق زاتتاردى, سول تەكتەستەردى اسا ءىرى كولەمدە وتكىزۋ ماقساتىندا زاڭسىز پايدالانۋ» بويىنشا تىركەلدى. تاركىلەنگەن زاتتاردى زەرتتەۋ ءۇشىن سوت-حيميالىق ساراپتاما تاعايىندالدى. قاجەتتى تەرگەۋ شارالارى جۇرگىزىلىپ جاتىر.
كۇدىكتى ۋاقىتشا ۇستاۋ يزولياتورىنا قامالدى.