پرەمەر-مينيستر جەتىسۋ وبلىسىنا بارعان ساپاردا قانت وڭدەۋ زاۋىتتارىنىڭ جۇمىسىمەن تانىستى, دەپ حابارلايدى Egemen.kz.
ءاليحان سمايىلوۆ ىشكى نارىقتى ءوز ونىمىمىزبەن قامتاماسىز ەتۋ كەرەگىن اتاپ ءوتتى.
«قانت قىزىلشاسى القابىن ەكى ەسە ۇلعايتىپ جاتىرسىزدار. بۇل وتە جاقسى. ءبىز ۇكىمەت تاراپىنان سۋبسيديالاۋ كولەمىن ەداۋىر ۇلعايتىپ جاتىرمىز. سونىڭ ارقاسىندا ىشكى نارىقتى ءوزىمىز وندىرگەن قانتپەن قامتاماسىز ەتۋىمىز كەرەك. سوندىقتان وسى وبلىستاعى قانت وڭدەۋ زاۋىتى شىعاراتىن ونىمدەرىن مەملەكەت باسشىسىنىڭ تاپسىرماسى نەگىزىندە 180 مىڭ تونناعا دەيىن جەتكىزۋ دەگەن ماقسات تۇر. سول ءۇشىن ءبارىمىز جۇمىلا جۇمىس ىستەۋىمىز كەرەك», دەدى ۇكىمەت باسشىسى.