باس جوسپاردا استانا اكىمى جەڭىس قاسىمبەكتىڭ باسشىلىعىمەن «Menin Elim Dala» باستاماشىل توپتارىنىڭ قاتىسۋىمەن نۇكتەلى قۇرىلىس ماسەلەسى بويىنشا كەڭەس ءوتتى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
الەۋمەتتىك نىسانداردىڭ پايداسىنا وراي تك قۇرىلىسىن جويۋ, ۇيلەردىڭ قاباتىن ازايتۋ, سونداي-اق تالدىكول بويىنشا ماسەلە كوتەرىلدى.
قالادا نۇكتەلى قۇرىلىستىڭ 18 نەگىزگى پروبلەمالى وبەكتىسى بار. 13 نىسان بويىنشا ماسەلەلەر تۇرعىنداردىڭ تىلەكتەرى مەن وتىنىشتەرىنىڭ پايداسىنا شەشىلەدى, ياعني تك ماڭىندا مەكتەپتەر, مەديتسينالىق ورتالىقتار, بالاباقشالار, قوعامدىق كەڭىستىكتەر بولادى. قالعان 5 نىسان بويىنشا سوت جانە كەلىسسوزدەر پروتسەسى ءجۇرىپ جاتىر.
مىسالى, بايتۇرسىنوۆ كوشەسى, 7 (حايۆيل تك) مەكەنجايىندا جەر ۋچاسكەسىندە بۇرىن ايتىلعانداي, كوپپاتەرلى تۇرعىن ءۇي كەشەنىنىڭ ورنىنا مەكتەپ سالىنادى. سونداي-اق قوشقارباەۆ داڭعىلى مەن اقىرتاس كوشەسى ماڭىندا, ياعني «حايۆيل» تۇرعىن ءۇي كەشەنىنە قاراما قارسى وقۋشى ورىندارىنىڭ تاپشىلىعىن ازايتۋ ماقساتىندا تاعى ءبىر جالپى ءبىلىم بەرەتىن مەكتەپ سالىنادى.
كۇمىسبەكوۆ كوشەسى, 9/2 ءۇيىنىڭ جانىندا 21 قاباتتى تك جانە پاركينگتىڭ ورنىنا گۇلزار سالىنادى.
«Sport Towers» تك تۇرعىندارىنىڭ ءوتىنىشى بويىنشا ەكى مەكتەپ سالىنادى (Alpamys تك مەن Alau تك اراسىندا جانە بارىس-ارەنا مۇز ايدىنىنا وڭتۇستىك باعىتتا).
كەزدەسۋ قورىتىندىسى بويىنشا قۇجاتتاردى نورمالارعا سايكەس كەلتىرۋ, «Menin Elim Dala» قب جاۋاپتارىن ۇسىنۋ بويىنشا بىرقاتار تاپسىرمالار بەرىلدى.