كريمينالدىق پوليتسيا قىزمەتكەرلەرى مال ۇرلىعىمەن اينالىسقان كۇدىكتىلەردى قۇرىقتادى, دەپ حابارلايدى Egemen.kz.
الماتى وبلىستىق ءىىد باستىعىنىڭ ورىنباسارى, پولكوۆنيك سەرىك شالحاروۆ وڭىردە مال ۇرلىعى دەرەگىن اشۋمەن اينالىساتىن ارنايى توپتار قۇرىلعانىن ايتتى.
جەدەل-ىزدەستىرۋ ءىس-شارالارىنىڭ ناتيجەسىندە ۇيعىر, كەگەن, تالعار اۋداندارىندا, سونداي-اق قوناەۆ قالاسىندا مال ۇرلاپ, ساتۋمەن اينالىسقان قىلمىستىق توپ ۇستالدى. قازىرگى تاڭدا ولارعا مال ۇرلىعىنىڭ 7 دەرەگى بويىنشا ايىپ تاعىلىپ وتىر.
«جەدەل ءىس-شارالار بارىسىندا پوليتسيا قىزمەتكەرلەرى بىرنەشە اۋداندا مال ۇرلاعان 1993, 1984 جانە 1983 جىلى تۋعان ەر ادامداردى ۇستادى. ولارعا 16 باس ءىرى قارا مەن ەكى جىلقى ۇرلادى دەگەن ايىپ تاعىلىپ وتىر», دەدى پوليتسيا پولكوۆنيگى سەرىك شالحاروۆ.
قر قىلمىستىق كودەكسىنىڭ 188-1 بابى «مال ۇرلىعى» بويىنشا سوتالدى تەرگەۋ باستالدى.